काठमाडौँ । चीनमा कम्युनिष्ट पार्टीको जारी काँग्रेसको एउटा दृश्यले अहिले विषको ध्यान केन्द्रीत गरेको छ ।
पूर्वराष्ट्रपति हु जिन्ताओलाई कम्युनिष्ट पार्टीको २०औं कांग्रेस बैठकबाट जबरजस्ती बाहिर निकालिएको भिडियो सार्बजनिक भएपछि अनेक अड्कलबाजीहरु भइरहेका छन् ।
समाचार एजेन्सी रोयटर्सले जारी गरेको भिडियोमा सी जिनपिङको छेउमा बसेका हु जिन्ताओलाई दुई सुरक्षाकर्मीले कुर्सीबाट उठाएर बैठक हलबाट बाहिर निकालेको देख्न सकिन्छ ।
हु जिन्ताओ चिनियाँ कम्युनिष्ट पार्टीका वरिष्ठ नेता हुन्। २०१३ मा सी जिनपिङ राष्ट्रपति हुनु अघि, जिन्ताओले दस वर्षसम्म चीनको राष्ट्रपतिको रूपमा सेवा गरेका थिए । उनले १५ मार्च २००३ देखि १४ मार्च २०१३ सम्म पद सम्हालेका थिए । उनले संविधानबमोजिम दुई कार्यकाल पूरा गरेपछि पद छाडेका थिए । तर, त्यसपछि पनि उनले कम्युनिष्ट पार्टीको बैठकमा सहभागी हुने क्रम जारी राखेका थिए ।
समाचार एजेन्सी एपीका अनुसार सी जिनपिङले चिनियाँ प्रधानमन्त्री ली खछ्याङलाई पनि पार्टी नेतृत्वबाट हटाएका छन् । उनीसँगै थप तीन उच्च अधिकारीलाई हटाइएको बताइएको छ । अब यी चार नेता पोलिटब्युरोको सदस्यमा पुनस् नियुक्त हुन सक्ने छैनन् । चिनियाँ कम्युनिष्ट पार्टीको बैठकको अन्तिम दिन शनिबार उक्त निर्णय गरिएको हो ।
ली खछ्याङ चिनियाँ कम्युनिष्ट पार्टीका वरिष्ठ नेता हुन् । उनी २०१३ मा प्रधानमन्त्री बनेका थिए ।
प्रधानमन्त्रीसँगै जिनपिङले सांघाई पार्टीका प्रमुख हान झेङ, पार्टी सल्लाहकार प्रमुख वाङ याङ र नेशनल पिपुल्स कंग्रेसका प्रमुख ली झान्सुलाई पनि पार्टी नेतृत्वबाट हटाएका छन् । ली झान्सुलाई जिनपिङको निकै नजिक मानिन्छन् । उनीहरुको ठाउँ डिङ सुक्सियाङ, चेन मिनेरो, ली छ्याङ र हु चुनहुवाले लिने मिडिया रिपोर्टमा उल्लेख गरिएको छ । चारै जना कम्युनिष्ट पार्टीका नेता हुन् ।
जिनपिङलाई आजीवन राष्ट्रपति बन्ने बाटो खुला
विगत ७ दिनदेखि बेइजिङमा जारी चिनियाँ कम्युनिष्ट पार्टी ९सीसीपी०को उच्चस्तरीय बैठक आज सम्पन्न भएको छ । यसै क्रममा पार्टीको विधान ९संविधान० संशोधन स्वीकृत भएको थियो । यो संशोधनले चीनको नेताको रूपमा सी जिनपिङको नेतृत्व बढाएको छ ।
बैठकमा पार्टीका सदस्यहरूले नयाँ केन्द्रीय समितिको लागि मतदान गरेका थिए । यसमा २०५ सदस्यहरू छन्, जसमा ११ जना मात्र महिला छन् । यो समितिले पोलिटब्युरो सदस्य छनोट गर्छ । बैठक सकिएपछि केन्द्रीय समितिको बैठक बस्छ । यसमा पोलिटब्युरोका २५ र स्थायी समितिका ७ सदस्य निर्वाचित हुनेछन् । यी सदस्यहरु को को हुनेछन्, यसको घोषणा अक्टोबर २३ मा हुने बताइएको छ ।
