जाजरकोट–जाजरकोटको भेरी नगरपालिकाले बैंकमा जम्मा गरिदिएको सामाजिक सुरक्षा भत्ता लिन यहाँका ज्येष्ठ नागरिकले सास्ती खेप्नुपरेको छ ।
बैंकमा बस्ने ठाउँ नहुँदा वृद्धवृद्धा सामाजिक सुरक्षा भत्ता बुझ्न सडकको भुइँमा बसेर पालो कुर्न बाध्य भएका हुन् । सिटिजन्स बैंकमा पैसा बुझ्न पुगेका जेष्ठ नागरिक चिसो भुइँमा बसेर प्रतीक्षा गरेका थिए । तीन घण्टा भन्दा बढी हिँडेर आएका उनीहरूले पालो नपाउँदा भुइँमा बसेर कुर्नुपरेको हो ।
बुढेसकालमा भत्ता बुझ्न बैंकमा आएर लाइन लाग्नुपर्ने, ठाउँ नभएर सडकमा बस्नु पर्ने अवस्था हुनु दुःखद भएको उनीहरूले गुनासो गरे ।
सिटिजन्स बैंकले भेरी नगरपालिका–१ र ३ का झण्डै ९०० जेष्ठ नागरिकलाई भत्ताको भुक्तानी दिँदै आएको म्यानेजर टर्जन अधिकारीले बताए । एकै पटक धेरै व्यक्ति आएकाले समस्या भएको उनले बताए ।
