आजकलको व्यस्त जिन्दगीमा दिनभरि खटेर काम गर्नका लागि अत्यधिक ऊर्जा चाहिन्छ । दिनभरि काम गरेपछि व्यक्तिको स्टामिना एकदमै कमजोर हुँदै जान्छ र दिनको उत्ताद्र्धमा शिथिल बन्न पुग्छ । केही मानिस भने अलिकति काम गर्नेबित्तिकै थाक्छन् ।
स्टामिना बढाएर दिनभरि फूर्तिलो बन्नका लागि लागि भोजनमा कार्बोहाइड्रेट्स, भिटामिन सी, प्रोटीन र आइरनको मात्रा भरपूर हुनुपर्छ । जसको सहायताले शरीरमा आवश्यक तत्वको कमी पूरा गरेर स्टामिना बुस्ट गर्न सक्नुहुन्छ ।
– बदाममा क्याल्सियम, फाइबर, प्रोटिन र पोटेसियम जस्ता तत्वहरु प्रशस्त मात्रामा पाइने हुँदा दैनिक बदामको सेवनले स्मरणशक्ति बढ्नुको साथै खाली पेटमा भिजाएको बदाम खाँदा दिनभरि शरीरलाई ऊर्जा मिल्छ ।
– भिटामिन सी र बीले भरपूर मुँगको दाल सेवन गर्दा स्टामिना बढ्नुको साथै स्वास्थ्य पनि राम्रो हुन्छ ।
– दिनदिनै चुकन्दरको रस पिउँदा मांसपेशीहरू बलिया हुनुको साथै शरीरलाई ऊर्जा दिन्छ ।
– बिहान खाली पेटमा अंकुरित चना खाँदा दिनभरि शरीरमा ऊर्जा रहन्छ । टुसा पलाएको चनामा प्रोटीन, भिटामिन र पोषक तत्व पाइने हुँदा हुँदा यसको नियमित सेवनले शरीरमा स्टामिना बढ्छ ।
– बिहानै दाल खाने गर्नाले दिनभरि शरीरलाई ऊर्जाशील बनाउनुको साथै यसले पेटको रोगबाट पनि मुक्ति दिलाउँछ ।
– पालुंगोको सूप वा जुस पिउँदा घन्टौंसम्म ऊर्जा दिने हुनाले स्टामिना बढाउनका लागि पालुंगोको सूप, जुस वा सब्जी सेवन गर्नु सबभन्दा राम्रो विकल्प मानिन्छ ।
– नियमित रुपमा बिहान एउटा केरा खाँदा शरीरमा रोगप्रतिरोधक क्षमता बढ्नुको साथै शरीरलाई ऊर्जा प्राप्त हुन्छ । केराको सेवनले शरीरमा सुस्तता भाग्छ ।
