१. तपाईं यदि ईश्वर साक्षात्कार गर्न चाहनुहुन्छ भने दरिद्रनारायणको सेवा गर्नुहोस् ।
२. सम्मानपत्रमा स्तुत्यात्मक शब्द कमसेकम रहून् । जसलाई हामी सम्मानपत्र दिन चाहन्छौँ उसको विचारको अनुरुप के भयो र के गर्ने निश्चय गरिएको छ, त्यो सम्मानपत्रमा उल्लेख हुनुपर्दछ । साथै सम्मानपत्र दिने संस्था र समाजलाई उसको परिचय दिनुपर्छ ।
३. विश्वास कुनै कोमल फूल होइन जो बतास र मौसमले ओइलाओस्, त्यो त अटल हिमालको समान छ, ठूलाठूला आँधीले पनि त्यसलाई हल्लाउन सक्दैनन् ।
४. विश्वास बिना काम गर्नु गहिरो खाडलमा लड्नु झैँ हो । विश्वास गर्नु एक गुण हो भने अविश्वास दुर्बलताको जननी हो ।
५. मेरो शरीरको मूर्ति स्थापित गरेर र तस्वीर बनाएर जसले मेरो सम्मान गर्न चाहन्छन्, तिनलाई म चेतावनी दिन चाहन्छु कि यस्ता प्रदर्शनलाई म हृदयदेखि रुचाउन्न ।
६. आफ्नो शुद्ध सेवाको बलमा जो पद र सत्ता हामीलाई प्राप्त हुन्छ, तिनले हाम्रो हृदयलाई उच्च बनाइरहन्छन् । जो सत्ता केवल बहुमतको बलमा प्राप्त गरिन्छ त्यो फोस्रो भ्रमजाल हो ।
साभारः ‘महापुरुषहरुका अमर वाणी’ पुस्तकबाट
