१. क्रूर, अल्छी, असत्य बोल्ने, अस्थिर र अविश्वासी, स्नेहशून्य तथा आफैलाई टाठोबाठो ठान्ने– यस्ता छ प्रकारका व्यक्तिको सङ्गत कहिल्यै गर्नु हुँदैन ।
२. गुणमा दोष नदेख्नु, सरलता, पवित्रता, सन्तोष, मधुरवचन, इन्द्रियजयी, सत्यभाषी तथा सहनशील — यी गुण दुर्जनमा खोजेर पनि पाइँदैनन् ।
३. जुन व्यक्तिको विनाश नजिक हुन्छ त्यसमा यी आठ लक्षण स्पष्ट देखिन्छन्— प्रशंसा उसलाई नराम्रो लाग्छ, उत्सव, यज्ञादि अनुष्ठानमा ब्राह्मणको बहिष्कार गर्दछ, ब्राह्मणले केही माग्दा नराम्रो मान्दछ ।
४. सत्य, विनम्रता, शास्त्रज्ञान, विद्या, कुलीनता, शील, बल, धन, शौर्य तथा युक्तियुक्त वचन— यी दस स्वर्गका साधन हुन् ।
५. अत्यधिक दुःखी हुँदा पनि नौ प्रकारका व्यक्तिसँग केही नमाग्नु– कंजुस, गाली गर्ने, मूर्ख, जंगली, धूर्त, नीच–सेवी, निर्दयी, शत्रुता गर्ने र कृतघ्न ।
६. दुश्चरित्र, मूर्ख, निन्दक, धर्मविरोधी, कटुभाषी तथा क्रोधी व्यक्तिलाई सङ्कटले शीघ्र नै घेर्दछ ।
साभारः ‘महापुरुषहरुका अमर वाणी’ पुस्तकबाट
