गर्मी बढेसँग च्याउको उत्पादन शुरु हुन्छ । विशेष गरी वर्षायाममा पढिने, सुनिने अप्रिय समाचार हो, ‘विषाक्त च्याउ खाएर मृत्यु ।’ नेपालमा जङ्गली च्याउ खाएर बर्षेनी धेरैले ज्यान गुमाउँछन् । त्यसो त सबै च्याउ विषालु हुँदैन । कति च्याउ खान योग्य, स्वादिलो र स्वस्थ्यकर पनि हुन्छन् । यसमा प्रोटिन, मिनिरल्स, तथा विभिन्न प्रकारका भिटामिन पाइनुका साथै एमिनो एसिड पाइन्छ । जुन शारीरिक वृद्धि विकासको लागि निकै आवश्यक हुन्छ । उच्च रक्तचाप तथा मधुमेह नियन्त्रणका लागि पनि च्याउ उपयोगी हुन्छ ।
च्याउ खाँदा ध्यान दिनुपर्ने कुरा
– तिख्खर गन्ध आउने, रङ्गिन च्याउ प्राय विषालु हुन्छन् ।
– बिषालु च्याउमा किरा लाग्दैन । त्यसैले यस्ता च्याउ हेर्दा आकर्षक देखिन्छन् ।
– च्याउलाई कुखुराको अन्डा वा दुधमा राख्दा केही समयपछि अन्डा जम्छ वा दुध फाट्छ भने त्यो खानयोग्य च्याउ होइन ।
– सकेसम्म आफूले नचिनेको च्याउ सेवन नगरौं ।
– दुईथरी च्याउलाई एकसाथ मिसाएर पकाउनु हुन्न ।
– च्याउ खान हुने भनेर ढुक्क भएपछि मात्र च्याउ सेवन गरौँ ।
– च्याउलाई प्लाष्टिक वा स्टिलको भाँडमा गुम्साएर नराख्ने ।
– च्याउलाई खुला रुपमा भण्डारण गर्ने ।
