पश्चिम नवलपरासी–पश्चिम नवलपरासी जिल्लाको प्रतापुर गाउँपालिका–२ र रामग्राम नगरपालिका–५ स्थित भैरहवा परासी राजमार्गबाट प्रहरीले अवैध चिनि पक्राउ गरेको छ ।
करिब ९० लाख रुपैयाँ बराबरको ८ सय ४० बोरा अवैध चिनीसहित २ वटा ट्रक सशस्त्र प्रहरीले नियन्त्रणमा लिएको छ ।
ना ६ ख २१९७ र लु १ ख ९८७१ नम्बरको ट्रकमा लोड गरी राखेको उक्त चिनी र ट्रक सशस्त्र प्रहरी बल नेपाल बिओपी हरपुर र महेशपुर भन्सार कार्यालयले बरामद गरेको हो । बरामद चिनी तथा दुई वटै ट्रक आवश्यक कारवाहीको लागि महेशपुर भन्सार कार्यालयमा बुझाइएको छ ।
