पोखरा, । गण्डकी प्रदेश सरकारका मुख्यमन्त्री सुरेन्द्रराज पाण्डेले आफ्नो कारणले गण्डकी प्रदेशका जनताको शिर झुक्न नदिने बताउनुभएको छ । तमु ंिधं नेपालले ३९ औं स्थापना दिवसमा अवसरमा शुक्रबार पोखरामा संस्थापक तथा अन्य महानुभावलाई सम्मान गर्दै मुख्यमन्त्री पाण्डेले भन्न्ुभयो‘ सीमित श्रोत साधनबाट सक्दो सम्बोधन गर्नुका साथै आफ्नो कारणले गण्डकीका जनताले शिर झुकाउनु पर्ने अवस्था आउन दिन्न ।’
तमुहरुको भाषा, सँस्कृति जगेर्ना, समृद्धि र विकासमा आफू लाग्ने बताउँदै उहाँले गुरुङहरुको उद्गमस्थल गण्डकीबाट एक जना पनि गुरुङ समुदायको मन्त्री बनाउन नसक्दा आफूलाई खिन्नता बोध भएको बताउनुभयो । सरकार गठनमा तमुहरुको आवाज सम्बोधन हुनुपर्दछ भन्ने लागेकै हो तर प्राविधिक एवम् बाध्यताले छुट्न गएकाले भावनाको छिट्टै सम्बोधन गर्दै तमुहरुलाई समेट्ने उहाँले बताउनुभयो। ।
सो अवसरमा तमु समुदायको पुरानो अग्रणीय सामाजिक संस्था तमु धिं नेपाल आजबाट ३९ औं वर्ष प्रवेश गरेको छ। स्थापना दिवसको अवसरमा संस्थापक, आदरणीय अतिथिहरु विभिन्न व्यक्तित्वहरुलाई सम्मान, साँस्कृतिक कार्यक्रमका साथै तमु धिद्धारा प्रकाशित क्यालेण्डर विमोचन गरिएको थियो ।
कार्यक्रममा शुभकामना व्यक्त गर्नुहुदै गण्डकी प्रदेश सभा सदस्य, तमु धिं नेपालका निवर्तमान प्रथम उपाध्यक्ष सरस्वती गुरुङले हिजोका दिनमा तमुहरुको सेवक भएको, अहिले पनि सेवारत र भोलि पनि सेवा मै जुटिरहने बताउनुभयो। तमु धिं नेपालको ऐतिहासिकता, संस्थापक अध्यक्ष कर्म तमुको योगदानको प्रशंसा गर्नुहुदै तमुहरुकै मतले विजयी हुनुभएका मुख्यमन्त्रीज्युले समुदायको भावनालाई उचित सम्मान गर्नुहुने विश्वास व्यक्त गर्नुभयो।
तमु धिं नेपालकी संस्थापक अध्यक्ष कर्म तमुले शुभकामना व्यक्त गर्नुहुदै तमु धिं नेपालको स्थापना, संस्थाको ऐतिहासिकता र विगतलाई स्मरण गर्दै आगामी दिनका लागि क्रियाशील रहनुपर्नेमा जोड दिनुभयो। तमु समुदायको भावनाको सम्बोधन, गैरआवासीय नेपालीहरुलाई दोहोरो नागरिकताका लागि तमुहरु जुट्नुपर्ने बताउनुभयो।तमु समाज युकेका अध्यक्ष शिवकुमार गुरुङले तमु धिं नेपालका अध्यक्ष हुमबहादुर गुरुङ लगायतले शआफ्नो मन्तब्य व्यक्त गगर्नुभएको थियो ।
कार्यक्रममा तमु धिं नेपालका संस्थापकहरु अध्यक्ष कर्म तमु,उपाध्यक्ष शंकर गुरुङ, सचिव शेरबहादुर गुरुङ, सदस्यहरु डा.खड्ग सिंह गुरुङ, रोश गुरुङ, तिलक गुरुङ, गजबहादुर गुरुङ,रुपकुमारी गुरुङ, दिलबहादुर गुरुङ, थमबहादुर गुरुङ, क्या.देवबहादुर गुरुङ, डिआइजी बुद्धिराज गुरुङ, तमु समाज युकेका अध्यक्ष शिवकुमार गुरुङ लगायतलाई सम्मान गरिएको थियो। यसरी नै तमु धिंद्धारा प्रकाशित तमु क्यालेण्डर विमोचन गरिएको थियो ।
