विश्वमा मंकीपक्सका संक्रमितको संख्या ७० हजार

न्युयोर्क । विश्वव्यापी रुपमा फैलिएको मंकीपक्स संक्रमितको संख्या ७० हजार नाघेको डब्लूएचओले बुधबार जनाएको छ । विश्व स्वास्थ्य संगठन (डब्लूएचओ) ले गत साता धेरै देशहरूमा संक्रमितको संख्या बढेको जनाएको छ ।

डब्ल्यूएचओ प्रमुख टेड्रोस अधानोम गेब्रेयससले ७० हजारभन्दा बढी संक्रमणका घटना संयुक्त राष्ट्रअन्तर्गतको स्वास्थ्य एजेन्सीमा रिपोर्ट गरिएको छ । अहिलेसम्म मंकीपक्सबाट २६ जनाको मृत्यु भएको छ ।