हनुमानजीले भगवान् शिवसँग गुनासो गर्दै थिए, प्रभु अबदेखि म धर्तीमा रहन सक्दिनँ ।
शिवजीः किन ?
हनुमानः पहिला भक्तहरु साष्टाङ्ग दण्डवत गर्थे । अलिपछि आधा मात्र झुकेर नमस्कार गर्न थाले । तै पनि खुशी नै थिएँ । तर अब त घोर कलियुग आएछ । आज मन्दिरमा एउटी केटी आई र भनी— ‘हेलो हनु । के छ ? किन मुख फुलाएर बसेको ?’
एकदम खराब छ
शिक्षकले अभिभावकसँग भनेछन्— तपाईंको छोरा त डाक्टर नै बन्छ ।
अभिभावकः खुशी हुँदै सोधेछन्— किन सर ! मेरो छोरा पढाइमा तगडा छ हो ?
शिक्षकः होइन तपाईंको छोराको राइटिङ एकदम खराब छ ।
साभारः ‘हँसाउने जोक्स’ पुस्तकबाट
