काठमाडौँ । ईङलिश प्रिमियर लिग अन्तर्गत आर्सनलले न्यूक्यासल युनाइटेडलाई पराजित गरेको छ ।
गएराती सम्पन्न खेलमा आर्सनलले न्यूक्यासललाई २-० गोल अन्तरले पराजित गरेको हो ।
आर्सनलको जितमा मार्टिन ओडेगार्डले एक गोल गरेका थिए भने एक गोल न्यूक्यासलका फाबियन स्चारले आत्मघाती गोल गरेका थिए ।
यो जितपछि आर्सनलको ३५ खेलमा ८१ अंक भएको छ र शिर्ष स्थानमा रहेको म्यानचेस्टर सिटी भन्दा एक अंकले पछाडी रहेको छ । यद्यपी म्यानचेस्टर सिटी एक खेल कम खेलेको छ ।
त्यस्तै न्यूक्यासल युनाइटेडको भने ३४ खेलमा ६५ अंक रहेको छ र लिगमा तेस्रो स्थानमा रहेको छ ।
