रुघाजस्तै लक्षण देखिने भए तापनि पिनासलाई जटिल समस्याको रुपमा लिइन्छ । पिनासको कारणले नाकको साथै अनुहार टाउको र दाँत समेत दुखाउने गर्दछ ।
आधुनिक चिकित्सा विज्ञानले यो रोगको लक्षणको मात्र उपचार गर्ने गर्दछ । सामान्यतया जटिल मानिए तापनि जीवशैली र प्राकृतिक उपचारका साथै खानपानद्वारा पनि यसको उपचार गर्न सकिन्छ ।
हरेक बिहान कागतीपानी पिएर दिनको शुरुवात गर्नुपर्दछ ।
गाँजर, चुकन्दर, सुन्तला, जुनार आदिको जुस पिनासमा हीतकर मानिन्छ ।
भिटामिन ए र सीयुक्त भोजन लाभदायक मानिन्छ ।
भुइँकटहर दैनिक कम्तिमा १–२ पल्ट सेवन गर्नु लाभदायक हुन्छ ।
भिटामिन ए का स्रोतहरु– गाँजर, चुकन्दर, पालुङ्गो, सुन्तला, मौसम, जुनार, भेँडेखुर्सानी, गोलभेँडा, काउली, सागपात आदि हुन् ।
काँचो सलाद र फलफूललाई दैनिक भोजनमा समावेश गराउनुपर्दछ ।
भोजनमा लसुन ५–६ केस्रा (ठूलो), प्याज १–२ वटा दैनिक खानुपर्दछ ।
दूधको सट्टा, सोयाविन, तील वा नरिवलको दूध प्रयोग गर्न सकिन्छ ।
ओमेगा–३ को श्रोत आलस, जैतुनको तेल वा ओखर सेवन गर्नुपर्दछ ।
साभारः ‘एकसे एक उपचार’ पुस्तकबाट
