संसारमा लियोनार्दाे दा भिन्चीलाई मोनालिसा तथा द लास्ट सपर जस्ता चित्रको लागि चिन्दछन् जब कि उनी बहुमुखी प्रतिभाका धनी थिए । उनी गायक, चित्रकार, मूर्तिकार, वास्तुविद, कवि, कुशल वक्ता, मेकानिक, इन्जीनियर र वैज्ञानिक थिए ।
लियोनार्दाे दा भिन्ची प्रकाश र छायाँको प्रभावको महत्व पत्ता लगाउने पहिलो चित्रकार थिए । उनी यतिबाट नै सन्तुष्ट भएनन् । उनी ती नियमहरुलाई पनि बुझ्न चाहन्थे, जसबाट प्रकाश र छायाँ उत्पन्न हुन्छ । यसका लागि उनले आँखाको रचना र प्रकाश विज्ञानको अध्ययन गरे । चित्रकलामा प्रणीणता हासिल गर्नका लागि उनले जनावर तथा मनुष्यको शरीरको रचनाको अध्ययन गरे र वनस्पति शास्त्रको पनि ।
१४८२ मा भिन्चीले मिलानको ड्युकसँग नोकरी मागे । आवेदनपत्रमा उनले आफ्नो योग्यताको असाधारण वर्णन गर्दै भने कि उनी पुल, तोप, जहाज र युद्धको लागि चाहिने मेशिन बनाउन सक्छन्, संगमर्मर, कौस र माटोको प्रतिभा बनाउन सक्छन्, चित्र बनाउन सक्छन्, इमारत बनाउन सक्छन् र पानीलाई एक स्थानबाट अर्काे स्थानसम्म लैजान सक्छन् । योग्य व्यक्तिलाई को नोकरीमा राख्न चाहँदैन र ? ड्यूकले तत्कालै उनलाई आफ्नो इन्जीनियर तथा वास्तविद बनाए ।
आफ्नो वैज्ञानिक प्रयोग गर्दा भिन्चीले हवाई जहाजको नक्शा बनाए । यदि उनीसँग पेट्रोल इन्जिन जस्तो कुनै पनि चीज भएको भए, यसलाई उडाउन सक्थे । उनले वाफको शक्तिको प्रयोगको कल्पना पनि गरे । वैज्ञानिकहरु भन्दछन् कि यदि उनको प्रयोगहरुको वर्णन गर्ने नोटबुक उन्नाइसौँ शताब्दीमा भन्दा उनको मृत्युको समयमा नै प्रकाशित भएको भए, वैज्ञानिकहरुको निकै धेरै समय बच्ने थियो ।
साभारः ‘सफलता’ पुस्तकबाट
