प्रतिष्ठित आयुर्वेदज्ञ राजीव दीक्षितको सल्लाहअनुसार आगोमा पाकेर तयार भएको खाना ४८ मिनेटभित्र खाइसक्नुपर्छ । अन्यथा, त्यसमा विद्यमान पौष्टिक तत्वहरु नष्ट हुँदै जान्छन् र १२ घण्टापछाडि त त्यो खाना पशुपक्षीका लागि समेत हानिकारक हुने गरी विषाक्त हुन जान्छ ।
फलफूलको हकमा भने यो नियम अझ कडासँग लागु हुन्छ । काटेर, ताछेर या टुक्रा पारेर राखेको फलफूल बढीमा २४ मिनेटभित्र खाइसक्नुपर्छ । काटेको फलफूल २४ मिनेटभन्दा बढी समय राखेमा अक्सिकृत भई त्यसमा अम्लीय तत्व बढ्न जान्छ । त्यसरी धेरैबेर राखेको फलफूल क्रमशः रङ बिग्रने, गल्ने र स्वाद अमिलिने हुँदै जान्छ ।
त्यस्तो फलफूल खानाले पेटमा क्षारीय मात्रा बढ्नुपर्ने ठाउँमा अम्लीय मात्रा बढ्दछ, फलस्वरुप फाइदाको साटो हानी हुने खतरा बढेर जान्छ । आयुर्वेदिक मान्यताअनुसार त्यस्ता फलफूल पेटमा पुगेपछि पेटको अग्नि अर्थात् जठराग्निलाई शिथिल बनाइदिन्छ ।
साभारः ‘खाने कसरी पिउने कसरी’ पुस्तकबाट
