वृद्धावस्थालाई आजभोलि एउटा विज्ञानसरह अध्ययन गरिन्छ, जसलाई जेरेन्टोलोजी भनिन्छ । यस सम्बन्धमा आजसम्म भएका खोज र अनुसन्धान अनुसार वृद्धावस्थाको मुख्य कारण रगतमा कतिपय पोषक तत्वको अभाव तथा विषाक्त पदार्थको वृद्धिलाई मानेको छ ।
यस सम्बन्धमा अमला अति उपयोगी मानिएको छ । अमला पोषकले भरिपूर्ण त छँदैछ, यसले रगतलाई शुद्ध पार्ने र मूत्र प्रणालीका लागि पनि फाइदाकारक छ, जसले गर्दा शरीरमा भएका विषाक्त पदार्थ शीघ्रातीशीघ्र बाहिर निस्कने गर्दछ ।
यसले वीर्यलाई सबल बनाउँदछ, नेत्रलाई ज्योति प्रदान गर्दछ र आयु वृद्धि पनि गर्दछ । अमलाले कब्जियत, रिँगटा लाग्ने, मधुमेह, पत्थरी, धातुरोग, हृदयरोग, पाताले दिसा लाग्ने, खोकी, श्वासप्रश्वासको रोग, नेत्र रोग, अरुचि, अजीर्ण, रक्तपित्त, बातरक्त आदिलाई नष्ट गर्ने काम गर्दछ । त्यसकारण यो सबै उमेरका व्यक्तिले स्वास्थ्यलाभको निमित्त प्रयोग गर्न सकिन्छ । वृद्धको निमित्त बढी उपयोगी हुन्छ ।
साभारः ‘दीर्घजीवनका रहस्यहरु’ पुस्तकबाट
