काठमाडौँ– एनसेल आजियाटा लिमिटेडले आफू विरुद्ध तथ्यहीन र भ्रामक समाचार प्रकाशित भएको भन्दै ध्यानाकर्षण भएको जनाएको छ । आज एक सुचनामा जारी गर्दै एनसेलले सञ्चार माध्यमहरुमा द्वेषपूर्ण ढंगले प्रकाशित तथ्यहीन र भ्रामक समाचारहरुप्रति गम्भीर ध्यानाकर्षण भएको उल्लेख गरेको छ ।
एनसेलले अपुष्ट स्रोतहरुलाई हवाला दिँदै प्रकाशित यस्ता समाचारहरु कम्पनीको प्रतिष्ठामा क्षति पु¥याउने प्रयास भएको बताएको छ ।एनसेलले सुचनामा भनेको छ, ‘हाल सार्वजनिक छलफलमै नआएको दूरसञ्चार विधयेकको मस्यौदा र एक अर्को निजी दूरसञ्चार सेवाप्रदायकको विषयसँग विभिन्न मनगढन्त कोणबाट यस कम्पनीलाई जोडी आम नागरिकमाझ भ्रम सिर्जना गरिएकाले कम्पनी घोर भर्त्सना गर्दछ । केही सीमित समूहको निहित स्वार्थपूर्तिका लागि यस कम्पनीलाई सिकार बनाइएको ठम्याई रहेको छ ।’
यस्तै, एनसेलले नेपालका सबै नियामक र कानुनी प्रावधानप्रति उत्तरदायी बन्दै पूर्ण परिपालना गर्न सधैं प्रतिबद्ध रहँदै बताएको छ । उसले यस्ता गलत, तथ्यहीन र असन्तुलित समाचारको भ्रममा नपर्नुहुन सर्वसाधारणलाई अनुरोध समेत गरेको छ । एनसेल एसियाकै अग्रणी दूरसञ्चार समूहमध्ये एक आजियाटा ग्रुप बरहादसँग आबद्ध कम्पनी हो ।
