पोखरा। पोखरा–१३ कुँडहरबाट ठूला मात्रामा लागु औषधसहित एक युवकलाई कास्की प्रहरीले पक्राउ गरेको छ । जिल्ला प्रहरी कार्यालय कास्की र लागु औषध नियन्त्रण ब्यूरो शाखा कार्यालय पोखराबाट खटिएको संयुक्त टोलीले सोमबार दिउँसो पोखरा–१३ कुँडहरु बस्ने ३० वर्षीय कृष्ण हमाल डेराकोठाबाट ठूलो मात्रामा लागु औषधसहित पक्राउ परेका हुन् ।
जिल्ला प्रहरी कार्यालय कास्कीका प्रवक्ता एवं प्रहरी नायव उपरीक्षक श्रवण कुमार विकले हमालको डेरामा लुकाइछिपाई राखेको अवस्थामा डाईजापाम २०७ एम्पुल, फेनरागन २०७ एम्पुल र नुर्फिन २०७ एम्पुल गरी जम्मा ६२१ एम्पुल लागु औषध बरामद गरिएको जानकारी दिनुभयो ।
लागु औषधसहित पक्राउ गरेका हमाल विरुद्ध कास्की जिल्ला अदालतमा लागु औषध सम्बन्धी मुद्दा दर्ता गरी अनुसन्धानका लागि थप १५ दिन म्याद थप गरी अनुसन्धान प्रक्रिया अगाडि वढाइएको जानकारी प्रवक्ता विकले दिनुभयो ।मंगलबार कास्की प्रहरीले लागु औषधसहित हमाललाई मंगलबार सार्वजनिक गरेको छ ।
