नेपाल, भारत, बङ्गलादेश लगायत दक्षिणपूर्वी एसियाका मुलुकमा जामुन लोकप्रिय छ । वर्षायामतिर फल्ने जामुन आकर्षक मात्र देखिँदैन, स्वाद र गुणले पनि भरिपूर्ण छ । जामुनमा पाइन जम्बोलिनलाई सक्रिय तत्व मानिन्छ । जामुन आइरनको पनि राम्रो स्रोत हो, यसले हेमोग्लोविनलाई सन्तुलनमा राख्छ ।
जामुन मधुमेह रोग नियन्त्रणका लाग लाभदायक हुन सक्ने अनुसन्धानले पुष्टि गरेको छ । यसमा ट्राइटेर्पिन, टेनिन, गालिक, एसिड, जम्बोलिन र जम्बोसिनजस्ता तत्व हुन्छन् । आयुर्वेद र सिद्ध औषधी प्रणालीमा पनि यसको हाइपोग्लेसेमिक गुणलाई स्वीकार गरिएको छ । यसको बियाँ पनि मधुमेह नियन्त्रणका लागि लाभदायक हुन्छ । जामुनको फलबाट हुने लाभबारे जनतामा चेतना पु¥याउन र यसको घरेलु उत्पादन बढाउन आवश्यक छ ।
साभारः ‘जीवन जिउने काइदा’ पुस्तकबाट
