नयाँ दिल्ली— अमेरिकी विदेशमन्त्री एन्टोनी ब्लिन्केनले शुक्रबार अर्जेन्टिनाका विदेश मन्त्री स्यान्टियागो काफिरोसँग लोकतन्त्र, मानव अधिकार र खाद्य सुरक्षाको महत्त्वबारे छलफल गरेका छन्।
ब्लिन्केनले ट्वीट गर्दै लोकतन्त्र, मानव अधिकार, खाद्य सुरक्षा र सुरक्षित र समृद्ध गोलार्धको लागि हाम्रो साझा प्रतिबद्धताको महत्त्वको बारेमा छलफल भएको बताएका छन् । दुवै नेताहरूले नयाँ दिल्लीमा चलिरहेको जी–२० सम्मेलनको दौरान विदेश मन्त्रीहरूको बैठकमा भाग लिएका छन्।
ब्लिन्केनले बिहीबार आफ्ना रुसी समकक्षी सर्गेई लाभरोभसँग संक्षिप्त कुराकानी गरेका थिए। एक वर्षअघि रुस र युक्रेनबीचको द्वन्द्व सुरु भएपछि र अमेरिकाको नेतृत्वमा पश्चिमा राष्ट्र र रुसबीच द्वन्द्व सुरु भएयता दुई विदेशमन्त्रीबीचको यो पहिलो आमनेसामने भेट हो ।
