१) बेसन वा गहुँको पीठो छानेर त्यसमा तोरीको तेल मिलाएर लेप तयार गरिन्छ । यस्तो लेपले मालिस गर्नाले शरीरको राम्रो सफाइ हुन्छ ।
२) सूर्यमुखीको पात पानीमा मिसाएर स्नान गर्नाले शरीरको जतिसुकै पुरानो घाउको दाग पनि केही दिनमै हराएर जान्छ तर स्मरण रहोस् परिणामको आशा शीघ्र गर्नु हुँदैन ।
३) पुदिनाको पात र कागतीको रस पानीमा मिलाएर स्नान गर्नाले पनि शरीरको दाग वा धब्बा हराउँछ ।
४) बदामलाई पिसेर बनाएको धुलो मलमलमा बाँधेर साबुनको सट्टा प्रयोग गर्नाले शरीर सुन्दर र कोमल बन्दछ ।
५) चन्दनको चूर्ण, सुख्खा नरिवल, सुपारी तथा तोरीको दानालाई भुटेर यसमा थोरै काँचो दुध मिसाएर लेप बनाउनुहोस् । यस्तो लेप लगाउनाले शरीरको दुर्गन्ध हराउँदछ र कान्ति बढ्दछ । शरीर मोहक र आकर्षक बन्दछ ।
६) स्नानको पानीमा २ चम्चा बदामको धुलो २ चम्चा ग्लिसिरिन मिलाएर लगाउनाले शरीर सफा र नरम हुन्छ ।
७) ३ भाग एरन्डको तेलमा १ भाग सुगन्धित तेल पानीमा मिसाएर नुहाउनाले ताजापन आउँछ ।
८) बिरे नुनलाई पानीमा मिलाएर स्नान गर्नाले छाला सफा हुन्छ ।
९) १ कप अङ्गुरको रस पानीमा मिलाएर स्नान गर्नाले ताजगी र शान्ति मिल्दछ ।
१०) थोरै केसर चामलको पिठोमा मिसाएर, चमेलीको तेलमा मुछेर शरीरमा मालिस गरेपछि स्नान गर्नुहोस् । यसले छाला सफा हुन्छ र तपाईं निरोगी हुनुहुनेछ ।
११) काँचो दूध शरीरमा लगाएर मालिस गर्नाले शरीरमा चमक बढ्दछ ।
साभारः ‘नारी सौन्दर्यको विज्ञान’ पुस्तकबाट
