चकलेटको पोको लिएर बसेको २ वर्षको बच्चासँग हामीले एउटा चकलेट माग्यौँ भने के सले दिन्छ ? खोसेर लिइहाल्छ कि भने बच्चाले चकलेट पोको पार्न थाल्छ । ४ वर्षको बच्चालाई तिमीले भोलि अरु चकलेट ल्याइदिन्छु एउटा देऊ भनेपछि मलाई यति धेरै चकलेट ल्याइदिनुपर्छ नि भन्दै सर्त राखेर एउटा चकलेट दिन्छ ।
आमाबाबु र सन्तानको सम्बन्ध मात्र नाफाघाटा रहीत कर्तव्यको सम्बन्ध रहन्छ बाँकी पतिपत्नीको सम्बन्ध, छिमेकीसँगको सम्बन्ध, साथीभाइको सम्बन्ध, नातागोताको सम्बन्ध, राजनीतिक सम्बन्ध, व्यापारिक सम्बन्ध, कार्यालयका सहकर्मीसँगको सम्बन्ध आदिमा फाइदाबेफाइदा, नाफाघाटाको तराजुमा तौलेर मात्र सम्बन्ध कायम रहने गर्छ । घाटैघाटा मात्र हुने देखिन थाले एक हातले ताली बज्दैन भन्दै जुनसुकै सम्बन्धमा पनि चिरा पर्न थाल्छ ।
मानिसको स्वभाव आफ्नै हित सोच्ने हुन्छ । मानिसहरु आफ्नै भलाइमा केन्द्रित रहेर कार्य गरिरहेका हुन्छन् । मानिसहरु हाम्रो बारेमा सोच्दैनन्, आफ्नै बारेमा सोचिरहन्छन् । म पनि आफ्नै भलाई सोचिरहन्छु भन्ने कुरा साथीहले थाहा पाएपछि के सोच्लान् भनेर अप्ठ्यारो मान्नु पर्दैन । यस विषय हामी सबै एउटै हौँ । त्यसैले कसैले मेरो फाइदाको कुरा ग¥यो भनेर दङ्ग परिहाल्नु हुन्न, भविष्यमा हानि हुनसक्छ । हरेक मानिस आफ्नै फाइदा हेरी कुरा गर्छन् भन्ने सम्झेर अरुसँग कुरा गर्ने बानी बनाउँदा, कुरा गरेर प्रभाव पार्ने हाम्रो क्षमतामा वृद्धि हुँदै जान्छ ।
साभारः ‘उत्तम ज्ञान’ पुस्तकबाट
