काठमाडौं । भारतीय संगीत क्षेत्रकी चर्चित तथा बहुप्रतिभाशाली गायिका आशा भोसले को ९२ वर्षको उमेरमा निधन भएको छ। भारतको मुम्बईस्थित ब्रीच क्यान्डी अस्पतालमा आइतबार उनको निधन भएको भारतीय सञ्चारमाध्यमहरूले जनाएका छन्।
शनिबार अचानक हृदयाघात भएपछि उनलाई अस्पताल भर्ना गरिएको थियो। उपचारकै क्रममा आइतबार उनले अन्तिम सास फेरेकी हुन्। परिवार स्रोतलाई उद्धृत गर्दै भारतीय सञ्चारमाध्यमले उनको निधनको पुष्टि गरेका छन्।
आठ दशकभन्दा लामो सांगीतिक यात्रामा हजारौँ अमर गीत गाएकी भोसले भारतीय चलचित्र संगीतकी एक युगीन आवाजका रूपमा परिचित थिइन्। हिन्दी मात्र नभई मराठी, बंगाली, गुजरातीलगायत विभिन्न भाषामा उनले स्वर दिएकी थिइन्।
उनको निधनसँगै भारतीय संगीत उद्योगले एक ऐतिहासिक युग गुमाएको प्रतिक्रिया कलाकार तथा शुभेच्छुकहरूले जनाउन थालेका छन्। सामाजिक सञ्जालमा प्रशंसकहरूले श्रद्धाञ्जली व्यक्त गर्दै उनको योगदानलाई सदैव स्मरणीय रहने बताएका छन्।
