काठमाडौं । इरानले अमेरिकी एफ-१५ लडाकु विमान खसालेको छ ।
दुई अमेरिकी अधिकारीहरूले सीबीएस न्यूजलाई बताएअनुसार खसालिएको एफ-१५ लडाकु विमानका एक चालक दलका सदस्यलाई उद्धार गरिएको छ । अधिकारीहरूका अनुसार चालक दलका सदस्यलाई अमेरिकी सेनाले उद्धार गरेको हो ।
यो समाचार पहिलो पटक इरानी मिडियामा देखा परेको थियो । तस्निम समाचार एजेन्सीले अमेरिकाले आफ्नो चालक दलको खोजी गरिरहेको दाबी गरेको थियो । त्यसपछि एक्सियोस, रोयटर्स र द न्यु योर्क टाइम्सले पनि एक अमेरिकी अधिकारीलाई उद्धृत गर्दै त्यही कुरा उल्लेख गरेका थिए ।
अधिकारीले नाम नखुलाउने सर्तमा घटनाको जानकारी दिए पनि थप विवरण खुलाउन मानेनन् ।
