काठमाडौंको व्यस्त जीवनशैलीबीच शुद्ध, घरेलु र अर्ग्यानिक स्वाद खोज्नेहरूको लागि शान्तिनगरमा रहेको ‘न्यु रेसुङ्गा फेमिलि भोजनालय एण्ड सेकुवा कर्नर’ अहिले विशेष आकर्षणको केन्द्र बनेको छ । बाहिरबाट सामान्य देखिने यो भोजनालयभित्र पस्नेबित्तिकै गाउँघरको स्वाद, माटोको गन्ध र आत्मीय आतिथ्यले ग्राहकलाई बाँधेर राख्ने गर्दछ ।
गुल्मी जिल्लामा जन्मिएका सञ्चालक शिवलाल पौडेल ‘जुङ्गे’ले आफ्नो जन्मथलोको पहिचान बोकेर ‘रेसुङ्गा’ नामबाट भोजनालय सुरु गरेका हुन् । गुल्मीको धार्मिक तथा सांस्कृतिक महत्त्व बोकेको रेसुङ्गा नामलाई उनले व्यवसायसँग जोड्दै मौलिकता कायम राखेका छन् ।
तर पछिल्लो समय ‘न्यु रेसुङ्गा’ नाम प्रयोग गरेर अन्य स्थानमा पनि रेष्टुरेन्ट खुल्न थालेपछि यसको वास्तविक पहिचानबारे अन्योल देखिन थालेको छ । सञ्चालक पौडेलका अनुसार, असली र मौलिक ‘न्यु रेसुङ्गा फेमिलि भोजनालय एण्ड सेकुवा कर्नर’ भने शान्तिनगर, बबरमहल, बानेश्वर र कोटेश्वरमा सञ्चालित चार शाखा मात्रै हुन् । अन्य ठाउँमा खुलेका नामहरू यससँग सम्बन्धित नरहेको उनी स्पष्ट पार्छन् ।
पौडेलको यात्रा भने संघर्षले भरिएको छ । रोजगारीको खोजीमा भारत पुगेर कठिन परिश्रम गरेका उनले स्वदेश फर्किएपछि १० वर्ष नेपाली सेनामा सेवा गरे । त्यसपछि आफ्नै देशमा केही गर्ने सोचका साथ उनले व्यवसायिक यात्रा सुरु गरेका हुन् ।
सुरुवात सानो थियो । काठमाडौंको कोटेश्वरमा करिब ३ लाख रुपैयाँ लगानी गरेर सानो झुपडीबाट भोजनालय सुरु गरेका उनले स्वाद र मेहनतकै बलमा आफ्नो पहिचान बनाउँदै लगे । कोटेश्वर पछि उनले काठमाडौंको तीनकुने, सुविधानगरमा अर्को भोजनालय स्थापित गरे । त्यसलाई विस्तार गर्ने क्रममा उनले साझेदारहरु पनि राखेका थिए । पछि सुविधानगरको त्यो भोजनालय साझेदारलाई नै सुम्पिएर उनले शान्तिनगरमा आफ्नै व्यवस्थापनमा ‘न्यु रेसुङ्गा’ सञ्चालन गरे, जुन अहिले सफल व्यवसायका रूपमा स्थापित भइसकेको छ ।
उनको ‘न्यु रेसुङ्गा फेमिलि भोजनालय एण्ड सेकुवा कर्नर’ नै असली भोजनालय हो । यस भोजनालयको सबैभन्दा ठूलो विशेषता भनेको अर्ग्यानिक खानाको स्वाद हो । यहाँका परिकारहरू पूर्ण रूपमा अर्ग्यानिक सामग्रीबाट तयार गरिन्छन् । दाङबाट ल्याइने बँधिया भाले, सल्यानबाट मगाइने विशेष बोका, खसी र ताजा अग्र्यानिक तरकारीहरूले यहाँको स्वादलाई फरक बनाएका छन् ।
त्यसैगरी, गुल्मीबाट ल्याइने चुक अमिलो, बेसारल, शुद्ध मह, शुद्ध तोरीको तलेगायतका मसला प्रयोग गर्दा परिकारमा मौलिकपन झल्किन्छ । भान्छामा प्रयोग हुने प्रत्येक सामग्रीको गुणस्तरमा विशेष ध्यान दिइने भएकाले यहाँको खाना स्वास्थ्यकर मात्र नभई स्वादमा पनि विशिष्ट हुन्छ ।
पौडेल आफैं सेफको रूपमा भान्छामा सक्रिय रहन्छन् । उनले पकाएको परिकारमा स्वादसँगै अनुभव र आत्मीयता मिसिएको हुन्छ । यही कारणले ग्राहकहरू एकपटक आएपछि फेरि–फेरि फर्किने गर्छन् । ग्राहकहरूका अनुसार यहाँको खाना केवल पेट भर्ने माध्यम मात्र होइन, गाउँघरको सम्झना दिलाउने अनुभव पनि हो । पारिवारिक वातावरण, आत्मीय सेवा र मौलिक स्वादको संयोजनले यो भोजनालयलाई अझ विशेष बनाएको छ ।
स्थानका हिसाबले पनि यो सहज पहुँचमा छ । शान्तिनगर गेटबाट केही मिटर भित्रै रहेको मुख्य भोजनालय र बबरमहल टेलिकम गेट नजिकै रहेको शाखा, कोटेश्वर र बानेश्वरमा रहेका शाखाहरु चार ठाउँमै ग्राहकको चहलपहल देखिन्छ ।
समग्रमा, ‘न्यु रेसुङ्गा फेमिलि भोजनालय एण्ड सेकुवा कर्नर’ केवल एउटा रेष्टुरेन्ट मात्र होइन, मौलिकता, संघर्ष र अग्र्यानिक जीवनशैलीको जीवन्त उदाहरण हो । असली ‘न्यु रेसुङ्गा’को स्वाद लिन चाहनेहरूका लागि शान्तिनगर, बबरमहल, बानेश्वर र कोटेश्वर नै सही गन्तव्य हुन्, जहाँ स्वादसँगै विश्वास पनि पाइन्छ ।
