काठमाडौँ : देशको नेतृत्व गर्ने दाबी गर्ने नेताहरूसँग आम नागरिकका प्रश्न र जिज्ञासालाई प्रत्यक्ष रूपमा उठाउने उद्देश्यसहित “नेपाली डायस्पोरासँग गगन थापा” शीर्षकमा खुला संवाद कार्यक्रम आयोजना हुने भएको छ।
उक्त कार्यक्रममा वैदेशिक रोजगारीमा रहेका नेपालीहरू, विदेशमा अध्ययनरत विद्यार्थी, स्थायी आवास अनुमति (PR) तथा नागरिकता लिएका नेपालीहरू, साथै नेपाल फर्किने सोच बनाएका डायस्पोरा समुदायका नेपालीहरूले प्रत्यक्ष रूपमा सहभागिता जनाउन सक्नेछन्। संवादका क्रममा डायस्पोराका अनुभव, सुझाव तथा नेपालको समग्र विकासमा उनीहरूको सम्भावित योगदानबारे छलफल गरिने आयोजकले जनाएका छन्।
कार्यक्रम २०२६ फेब्रुअरी ८ (आइतबार) बिहान ८:०० बजे (नेपाली समय) जुम (Zoom) मार्फत सञ्चालन हुनेछ। सहभागी हुन इच्छुकले अग्रिम दर्ता गर्नुपर्नेछ।
दर्ताका लागि लिंक:
https://us02web.zoom.us/meeting/register/F8z1e4H7Ttera8BwnWpwdA
