आज २०८२ साल माघ १९ गते सोमबारको राशिफल
– ज्योतिष पण्डित सूर्यनाथ लुइटेल
मेषः धन लाभ हुने दिन छ । स्वास्थ्य क्षेत्रको लगानीमा फाइदा हुनेछ । राजनीतिक क्षेत्रमा साथीको साथ मिल्नेछ । सेवाको अवसर मिल्नेछ । गोपनीयता भंग गरेमा घाटा हुनेछ ।
वृषः धार्मिक क्षेत्रको यात्रा तय हुने दिन छ । बोली र व्यवहारमा एकरुपता नहुँदा समस्या पर्नेछ । सञ्चित धन अनुत्पादक क्षेत्रमा खर्च हुनेछ । शिक्षामा ढिलासुस्ती हुनेछ । व्यापारमा भने फाइदा हुनेछ ।
मिथुनः साना कुराले मन अशान्त बन्नेछ । गणेशको सेवा गर्न सकेमा दिन सहज बन्नेछ । धार्मिक क्षेत्रको यात्रा तय हुनेछ । विज्ञसँगको भेटले मनमा ऊर्जा मिल्नेछ । परिवारमा सुखशान्ति मिल्नेछ ।
कर्कटः शनिको प्रभावले साथी टाढा हुनेछ । स्वास्थ्यमा सुधार हुनाले मनमा उत्साह मिल्नेछ । पश्चिमको लामो यात्रा नगर्नु उचित हुनेछ । राजनीतिक व्यक्तिसँग सचेत भएर अगाडि बढ्नुपर्ने देखिन्छ ।
सिंहः परिवारको साथ र सहयोग प्राप्त हुनेछ । रोगसँग लड्ने क्षमता बढाउन खानपानमा विशेष ख्याल गर्नुपर्नेछ । प्रेम सम्बन्ध सुमधुर बन्ने योग छ । यात्रा अगाडि सोच विचार गर्नु राम्रो हुनेछ ।
कन्याः नजिकका साथीले तपाईंको बोलीको गलत अर्थ लगाउने जोखिम रहेको छ । व्यापारमा भन्दा शिक्षामा गरेको प्रयास सफल बन्नेछ । खानपानमा समस्या हुनसक्छ । परिवारले निगरानी गर्ने भएकाले व्यवहार गर्दा सचेत बन्नुपर्नेछ ।
तुलाः शिक्षा क्षेत्रको लगानीले उत्साह मिल्नेछ । विपक्षी साथीले तपाईंको प्रशंसा गर्नेछन् । परिवारको तर्फबाट उचित सुझाव प्राप्त हुनेछ । बौद्धिक व्यक्तिसँगको भेटले मनमा उत्साह मिल्नेछ ।
वृश्चिकः बन्धुसँगको सहकार्यले फाइदा हुनेछ । स्वास्थ्यमा समस्या हुने भएकाले औषधीलाई नियमित गर्नु उचित हुनेछ । निजी क्षेत्रमा गरेको लगानीबाट आम्दानी बढ्नेछ । गोप्य योजना सुरुमा परिवारभित्र सार्वजनिक गर्दा ठुलो घाटा हुनेछ ।
धनुः आजको दिन शिक्षा क्षेत्रमा गरेको लगानीबाट फाइदा हुनेछ । व्यापारमा लगानी नगर्नु उचित हुनेछ । परिवारको साथ र सहयोग प्राप्त हुनेछ । दाम्पत्य जीवन सुखयम बित्नेछ ।
मकरः लगानीका क्षेत्रमा फाइदा हुनेछ । गुम्न लागेको सम्पत्ति प्राप्त हुनेछ । दाजुभाइसँगको सहकार्यले मनमा उत्साह बढ्नेछ । शिक्षाको क्षेत्रमा ढिलासुस्ती हुने देखिन्छ । परिवारसँग रमाइलो गरेर दिन बिताउने समय रहेको छ ।
कुम्भः अनुत्पादक क्षेत्रमा खर्च बढ्नेछ । अरुका कुरा थोरै सुनेर आफ्नो काम गर्नु उचित हुनेछ । परिवारले दिएको सुझाव अनुसार अगाडि बढेमा फाइदा हुनेछ । व्यापारमा फाइदा हुनेछ । धार्मिक कार्यमा सहभागी भएर दिनको सुरुवात गर्नु उचित हुनेछ ।
मीनः गुम्न लागेको धन प्राप्त हुनेछ । दाजुभाइबाट भन्दा सहकर्मीबाट उचित सल्लाह पाउने योग छ । शिक्षाको क्षेत्रमा मिहेनतको खाँचो छ । बिहान उठेर पिपलको परिक्रमा मात्र गरेमा दिन सहज बन्नेछ ।
