काठमाडौं — अमेरिकी दूतावास नेपालद्वारा आयोजित Creators’ मेला 2026 को पहिलो दिन काठमाडौंमा उत्साह, सृजनशीलता र अर्थपूर्ण संवादका साथ सफलतापूर्वक सम्पन्न भएको छ।
कार्यक्रमको पहिलो दिन विभिन्न ह्यान्ड्स-अन कार्यशाला, विचारोत्तेजक प्यानल छलफल, रचनात्मक पिचहरू तथा अन्तरक्रियात्मक सत्रहरूले भरिएको थियो। सहभागी सर्जकहरूले नयाँ सीप सिक्ने, आफ्ना विचार प्रस्तुत गर्ने र आपसी सहकार्य विस्तार गर्ने अवसर पाए।
पहिलो दिनको सहभागिताले नेपाली सर्जक समुदायको जिज्ञासा, सक्रियता र दीर्घकालीन प्रभाव सिर्जना गर्ने सोचलाई स्पष्ट रूपमा उजागर गरेको छ। मेट्रिक्सभन्दा पर सोचेर उद्देश्यपूर्ण सिर्जनामा केन्द्रित हुने सर्जकहरूको क्षमताले कार्यक्रमलाई थप अर्थपूर्ण बनाएको आयोजकले जनाएका छन्।
कार्यक्रम सफल बनाउन योगदान दिने सर्जकहरू, वक्ता तथा सहजकर्ताहरू, निर्णायक र सञ्चालकहरू, साथै सहयोगी संस्था र साझेदारहरू प्रति आयोजकले आभार व्यक्त गरेको छ।
Creators’ मेला 2026 को यो सुरुवात मात्र हो। कार्यक्रमको दोस्रो दिन थप गतिविधि र संवादका साथ आयोजना हुँदैछ।
