– सागपात, टुसाएको (अंकुरित) अनाज, काँचो खाइने सलाद, दहीदूधका परिकार, सुख्खा र पहेँला फलफूलहरु, जस्ता भिटामिन र खनितत्व बढी भएका प्रोटिन, चिल्लो र कार्बाेहाइड्रड कम भएका खानाहरु मानसिक विकासमा लाभदायक हुन्छन् ।
– बदाम ३–४ वटा राति सुत्नु अगाडि १ गिलास दूधका साथ बच्चाहरुलाई ख्वाउनाले स्मरणशक्ति वृद्धि हुनका साथै मस्तिष्कलाई आवश्यक पोषणा प्राप्त हुन्छ ।
– जसको स्मरणशक्ति कमजोर छ, उनीहरुले माछा, मासु, अण्डा साथै उच्च प्रोटिन भएका खानाहरु एवं वासी, अमिलो, पीरो, मसलादार, कब्जकार गरिष्ठ भोजन छडनुपर्दछ । कफकारक भोजनले पनि स्मरणशक्ति कमजोर पार्दछ ।
– स्मरणशक्ति विकासको निम्ति महत्वपूर्ण सूत्र हो, अनावश्यक, अनुपयोगी र नकारात्मक विचारलाई त्याग्नुपर्दछ । आवश्यक, उपयोगी र सकारात्मक विचारलाई स्मरण गर्ने बानी बसाल्नु पर्दछ ।
– सुखपूर्वक बाँच्न चिन्ताको त्याग गर्नुपर्दछ ।
साभारः ‘दीर्घजीवनका रहस्यहरु’ पुस्तकबाट
