पाकिस्तानी नायिका सादिया खान आजकाल चर्चामा छिन् । चर्चामा आउनुको कारण पनि निकै रोचक छ । वास्तवमा सादिया खानले दुबईमा आफ्ना साथीहरुसँग विशेष तरिकाले नयाँ वर्ष मनाएकी थिइन् । नयाँ वर्षको पार्टीबाट आर्यन खानको सादियासँग तस्बिर सार्वजजिक भएको थियो ।
फोटोमा आर्यन र सादिया सँगै पोज दिइरहेको देखिए । आर्यनसँग सादियाको तस्बिर सोसल मिडियामा तीब्र रुपमा भाइरल भयो, त्यतिबेला देखि नै सादिया खान चर्चामा छिन् । कतिले सादियालाई आर्यन खानकी प्रेमिकासमेत भने तर भारतीय मिडियाले यी दुईबीच त्यस्तो केही पनि नभएको बताएको छ । अब यहाँ प्रश्न के उठ्छ भने सादिया को हुन् ? आउनुहोस्, उनीबारे केही जानकारी लिऔँ ।
सादिया खान पाकिस्तानी सिनेमाकी चर्चित नायिका हुन् । सादिया थुप्रै टिभी सिरियलमा देखिइसकेकी छिन् । सादियाले आफ्नो शो खुदा और मोहब्बत, शायद, यारियां, मरियम पेरियाराबाट चर्चा बटुलिसकेकी छिन् ।
सादिया खान वास्तविक जीवनमा सुपर ग्ल्यामरस र स्टनिङ छिन् । सादिया सोसल मिडियामा निकै सक्रिय छिन् । इन्स्टाग्राममा उनका १।८ मिलियन फलोअर्स छन् । उनी धेरैजसो आफ्नो ग्ल्यामरस तस्बिर सेयर गरिरहन्छिन् । उनका तस्बिर सोसल मिडियामा धेरैले मन पराउने गर्छन् ।
