काठमाडौं – पछिल्लो समय नेपालमा सुन तस्करीहरुको सञ्जाल फैलिदै गएको छ । तल्लो तहदेखि माथिल्लो तहसम्ममा सुन तस्करीमा लाग्न थालेका छन् । सामान्य व्यापारि देखि माथिल्लो पदका सुरक्षाकर्मीहरु मिलोमतोमा समेत सुन तस्करी हुने गर्छ । यही मेसोमा एउटा समूह करोडौ मुल्य बराबरको सुन गायव बनाएर फरार रहेको खुलासा भएको छ ।
स्रोतका अनुसार सिन्धुपाल्चोकको भोटकोशी गाउँपालिकाका ३ जना र दोलाखको विगु गाउँपालिकाका १ जना करोडौं मुल्यको सुनसँगै फरार भएका छन् । जानकारहरुका अनुसार रसुवा नाकाबाट अबैध रुपमा एक पटक भित्रिएको १३ किलो र पटक–पटक भित्रएको गरी करोडौंको सुनसहित दावा शेर्पा, मिङमार शेर्पा (धाप्से), फूङिमा शेर्पा र सुब्बा लामा फरार भएका हुन् ।
सुन गाएव भएको हल्ला चलेसँगै इलाका प्रहरी बाह्रविसे सिन्धुपाल्चोकको टोलीले उनि उनिहरुलाई खोजी गरेको थियो । लगत्तै उनिहरु फरार भएका हुन् । स्थानिय स्रोतका अनुसार अहिले उनिहरु भारतमा लुकेर बसेका छन् । अहिले प्रहरीले उनिहरुलाई खोजी गरिरहेको बताएको छ ।
स्रोतका अनुसार रसुवा नाकाबाट एक पटक १३ किलो र अरु विभिन्न समय गरि करोडौं मुल्य बराबरको सुन अबैध रुपमा भित्रिएको थियो । अहिले फरार भएको उनिहरु सुन ओसार पसार गर्ने व्यक्ति हुन् । सुन लुटियो भनेर हल्ला फिजाएर उनिहरु बेपत्ता भएको स्रोतको दाबी छ । अहिले सिन्धुपाल्चोकको भोटेकोशी गाउँ पालिकामा सुनको विषयले ब्यापक चर्चा बटुलेको छ । त्यो सुन कसको हो कता तस्करी भइरहेको थियो भन्ने रहस्यमै छ । तर तस्करी प्रकरणमा मुछिएकाहरु भने फरार छन् ।
स्रोतका अनुसार पछिल्लो समयमा छिमेकी मुलुका चिनको नाका रसुवा र तातोपानी हुँदै सुन तस्करी ब्यापाक रुपमा मौलाएको छ । कतिपय यस्ता घटनामा सुन तस्करी भयो भनेर हल्ला हुने र सुन फेला नपर्ने समेत देखिएको छ । ५ वर्ष अघि चर्चित ३३ किलो सुनका विषयमा थुप्रै व्यक्तिहरु मुछिएका थिए । त्यही प्रकरणमा कोही जेलमा छन् भने कोही छुटिसकेका छन् । तर त्यो सुन पनि फेला पर्न सकेको छैन । ठीक यसैगरी यसपटक पनि करोडौं मुल्य बराबरको सुन बेपत्ता स्रोतको दाबी छ ।
जानकारहरूका अनुसार एक महिनायता चिनियाँ सुन उत्तरी नाकाबाट अवैध रूपमा प्रशस्त आइरहेको छ । र, उक्त सुन भारततर्फ अवैध मार्गबाटै गइरहेको छ । नेपालमा भन्दा भारतमा सुनको मूल्य महँगो भएकाले र चिनियाँ सुन अझ सस्तो परेकाले यसको अनधिकृत कारोबार फस्टाएको हो । नेपालमा सस्तो चिनियाँ सुन अनधिकृत रूपमा प्रशस्त भित्रिएकाले यहाँका बैंकबाट व्यवसायीले सुन उठाएका छैनन् ।
व्यवसायीले पुसबाटै सुन उठाउन छाडेका हुन् उनीहरुले औपचारिक आग्रह गरेर सुन आयात नगर्न बैंकलाई आग्रह गरेका छन् । माघ लाग्दा पनि बैंकबाट सुन उठेको छैन । अनुसन्धान अनुसार तस्करीको बाटोबाट एक किलो सुन भारत छिराउँदा ११.३ प्रतिशत कर सोझै बचत हुन्छ । किलोमा ४ लाखसम्म फाइदा निस्कने भएपछि यसमा संगठित गिरोह नै सक्रिय भएका छन् । पछिल्लो समय हल्ला फिजिएको सुन कहाँ गयो ? कसको हो ? संकास्पद व्यक्ति किन फरार भए ? हामीले यो विषयमा शुक्ष्म अध्ययन गरिरहेका छौं । यसको नालिबेलीको निरन्तर फलोअप गर्ने छौं ।
