काठमाडौँ– स्वास्थ्य राज्यमन्त्री डा तोसिमा कार्की पछिल्लो समय एक पछि अर्को असोभनिय, अपाच्च तथा अकल्पनीय कार्य गर्दै आएकी छिन् । उम्मेदवार भएदेखि नै विवादमा आएकी उनी मन्त्री भएपछि पछि त विभिन्न उनीमाथि विभिन्न टिका टिप्पणी भईरहेका छ ।
जब उनी मंगलबार आत्महत्याको प्रयास गरेका प्रेमप्रसाद आचार्यलाई आईसीयूमा भेट्न गएको भिडियो सार्वजनिक भयो, त्यसपछि उनीमा स्टन्ट बाजी गर्न बाहेक अर्को विकल्प नरहेको प्रष्ट हुन्छ । आफै चिकित्सक, मेडिकल काउन्सिलमा कार्य गरेको र आईसीयूको मर्म र संवेदनशीलता नै खलल गर्ने जुन हर्कत गरिन, यो उनको स्टन्ट बाजी बाहेक केही होइन भन्न अन्यथा नहोला । हामी सर्वसाधारण आईसियूमा भर्ना भएका जन्म दिने आफ्नै बुबा आमा र जन्माएका छोरा छोरीलाई त भेट्न पाउँदैनौँ ।
ढोका बाहिर डाक्टरले कहिले बोलाउँला भनेर ढुकेर बस्नुपर्छ, भित्र छिर्न अनुमति दिएपनि निश्चित मापदण्ड पुरा गर्नुपर्छ वा नियम मान्नुपर्छ । तर मन्त्री हुलमुल सहित, क्यामरा सहित, अनि सामान्य पञ्चा समेत नलगाई विरामीलाई छुने चेष्टा भो, यो उनमा आएको मन्त्रीको दम्भ बाहेक केही होइन् । उनले आईसियूमा काम गरिन् वा गरिनन्, त्यो थाहा भएन वा खोज्ने चेष्टा गरिएन तर पनि आइसियूमा जाँदा के के गर्नुपर्छ, के के नियम पालना गर्नुपर्छ, त्यो चाहिँ प्राय डाक्टरले पालना गरेको मैले देखेको छु ।
जो सोझो उसको मुखमा घोचो । यो उखान नेपालको कानुन कार्यान्वयनको एउटा दृष्टान्त । नेपालमा जति नै कानुन छन् । ती सबै भुईँ मान्छेलाई मात्र हुन् । मन्त्रीलाई कसले रोक्ने छेक्ने । मन्त्री आएपछि आईसियु पनि ओपिडि हुने देश हो यो । उनले जुन चर्तिकला देखाइन्, त्यो अस्पतालको आईसियू नभई ओपिडि वार्ड वा अब्र्जभेसन वार्ड जस्तो देन्खिन्छ । मन्त्री भनेको मन्त्री नै हो अनि मन्त्रि ले चाहे जे पनि परिवर्तन हुन्छ, गर्न सकिन्छ भन्ने दम्भको एउटा उपहास हो । त्यसो त उनी मन्त्रीको आडमा अस्पताल प्रशासनसँग सल्लाह नै नगरि गएको सञ्चार माध्यमद्धारा सार्वजनिक भएको छ ।
हुन त स्वास्थय सेवा जुन सुकै बेला चाहिन्न सकिन्छ, सार्वजनिक विदा तथा अन्य राष्ट्रि«य बिदा छ भन्दैमा मान्छे विरामी नहुने होइन् । उनले नेपाली लगायत सबै सञ्चारमाध्यमले ३६५ दिन जनतालाई सूचना दिएजस्तै स्वास्थ्य सेवा पनि ३६५ दिन नै सम्पूर्ण सेवा सञ्चालन गरे के विग्रेला र । यसतर्फ ध्यान उनको मात्र होइन कसैको पनि जाने देखिन्छ, यहाँ सबैलाई काम होइन, स्टन्ट मात्र देखाउनु छ, र उनलाई त झनै बढी ।
शक्तिको पूजा गर्ने यो देशमा सोलुखुम्बुको कोही सर्वसाधरण आफ्नो छोरीसँग त्यसरी भिडियोमा कुरा गरेको सार्वजनिक भएको भए अहिले प्रहरी हिसारतमा पुगिसक्थे वा अस्पतालले सबै धर्म बिर्सेर विरामीलाई त्यहाँबाट निकाली सक्थे । सार्वजनिक भएको भिडियो अनुसार उनले विरामीसँग प्रहरी प्रशासनले अपराधीलाई केरकार गरेजस्तो गरि सोधेकी थिइन् । आइसियूका विरामीसँग कसरी केरकार गर्न सकिन्छ । यो सामान्य प्रश्नमा जटिल प्रश्न चिन्ह खडा भएको छ । यो भिडियो हेर्दा उनी जून पृष्ठभूमीबाट उदाइन्, त्यसलाई विर्सिइन, जस्तो लाग्छ ।
माथि चर्चा गरिएको विषय पछिल्लो दृष्टान्त हो । यसअघि पनि उनले राज्यमन्त्रीको घमण्ड देखाउँदै मन्त्रीले उद्घाटन गर्ने कार्यक्रममा अर्को रिबन लगाउँदै उद्घाटनज गर्न पुगिन् । त्यस्तै, मन्त्रीबाट निर्णय हुने योजना आफूलाई पनि थाहा हुनुपर्ने भन्दै बखेडा छिनिन् । यो शैलीलाई उनको बालपन भन्ने कि दम्भ देखाउने शैली भन्ने । यो उनलाई नै थाहा होला । तर पनि यति चाहिँ भन्न मिल्ला कि, धरातल नै विर्सिएर रवाफ देखाउँदा समाज, देश र जनतालाई केही फाइदा भयो त । भएन भने, किन देखाउने, अब यसबाट सच्चिने कि । उनले आफ्नै शैली र मार्गनिर्देशन परिवर्तन गरिनन् भने आलोचित भएर नै उनको कार्यकाल सकिने निश्चित छ । यसबारे सचेत भए उनको र उनको अनुयायी र सबैको भलो हुने थियो ।
