नेपाल समाजवादी पार्टीका अध्यक्ष तथा पूर्व प्रधानमन्त्री डा. बाबुराम भट्टराइले युवा प्रेमप्रसाद आचार्यको आत्महत्या प्रकरण मार्मिक भएकोभन्दै त्यसलाई गम्भीरतापूर्वक लिनुपर्ने बताएका छन् । सामाजिक सञ्जालमा केहीबेरअघि ट्वीट गर्दै उनले त्यस्तो बताएका हुन् ।
युवाहरु विदेश पलायन हुने वा देशभित्रै आत्महत्या गर्ने प्रबृत्ति बढ्दैगएमा देश ठूलो संकटमा फस्ने उनले बताएका छन् । यसको आत्मसमीक्षा गर्दै सुधारको प्रयास गर्नुपर्ने उनले सुझाएका छन् । उनले लेखेका छन्, ‘युवाहरु विदेश पलायन हुने वा देशभित्रै आत्महत्या गर्ने प्रबृत्ति बढ्दैगएमा देश ठूलो संकटमा फस्नेछ । आरोप प्रत्यारोप हैन, आत्मसमीक्षा गरौं र सबैले आआफ्नो ठाउँबाट भूमिका निर्वाह गरौं ।’
