काठमाडौं । आजभोलि बिहान उठ्ने बित्तिकै मोबाइल फोन हातमा आउँछ । सामाजिक सञ्जाल हेर्ने, मेसेज चेक गर्ने अनि खबरहरू पढ्ने बानी बनिसकेको छ। तर के तपाईंलाई थाहा छ, सुत्दा र उठ्दा मोबाइल प्रयोगले हाम्रो शरीर र दिमागमा कति नकारात्मक असर गर्छ ?
१. आँखा र शरीरमा असर:
मोबाइलको स्क्रिनबाट निस्कने नीलो प्रकाशले आँखामा जलन, सुख्खापन र टाउको दुखाइ निम्त्याउँछ। साथै, ओछ्यानमा नराम्रो मुद्रामा मोबाइल हेर्दा घाँटी र ढाड दुख्ने समस्या हुन्छ। दीर्घकालीन रूपमा यसले मेरुदण्ड सम्बन्धी समस्या पनि निम्त्याउन सक्छ।
२. तनाव र चिन्तामा वृद्धि:
बिहानै सामाजिक सञ्जाल र अफिसका तनावपूर्ण सन्देशहरू पढ्दा दिमाग तनावग्रस्त हुन्छ। यसले मुड बिगार्छ र दिनभरी मानसिक थकान र चिन्ता बढाउँछ।
३. मस्तिष्कको क्षमता कम हुनु:
उठ्दा दिमाग ताजा र सकारात्मक सोचका लागि तयार हुन्छ। तर मोबाइलमा सूचना र सूचना आकाशीय परिमाणले मस्तिष्क थकित हुन्छ, जसले ध्यान केन्द्रित गर्ने क्षमता घटाउँछ र निर्णय गर्न गाह्रो बनाउँछ।
४. काम र पढाइमा असर:
बिहान मोबाइल हेर्ने बानीले ध्यान विचलित भएर काम र पढाइमा मन लाग्दैन। यसले गल्ती बढाउँछ र प्रभावकारी काम गर्न कठिन हुन्छ।
