काठमाडौं। वर्तमान राजनीतिक परिस्थितको निकास दिन भन्दै नेपाली कांग्रेस‚ नेकपा एमाले र नेकपा माओवादी केन्द्रका दोस्रो तहका नेताहरूले छलफल गरेका छन्। भर्चुअल छलफलमा उनीहरू वर्तमानको गतिरोध संविधान र संसदीय व्यवस्थाबाटै समाधान गर्नुपर्ने निष्कर्षमा पुगेका छन्।
उनीहरूले सभामुख देवराज घिमिरेलाई संसद् बैठक बोलाउन आह्वान गर्नका लागि अनुरोध गर्ने निर्णय पनि गरेका छन्।
भर्चुअल छलफलमा सहभागी माओवादी केन्द्रका नेता लेखनाथ दाहाल ९राजन० का अनुसार केही बेरमा संयुक्त विज्ञप्ति निकाल्ने तयारी समेत गरिएको छ। “संसद् ज्युँदो छ। सभामुख पनि हुनुहुन्छ‚” उनले नेपालन्युजसँग भने‚ “संविधानअनुसार गतिरोध अन्त्य गरिनुपर्छ। संवैधानिक प्रक्रियाबाट निकास दिनुपर्छ भन्ने हाम्रो निष्कर्ष छ।”
केही समयअघि भएको छलफलमा कांग्रेसबाट गगन थापा तथा एमालेबाट योगेश भट्टराईलगायत नेताको सहभागिता रहेको थियो।
