माछा खान स्वास्थ्यका लागि धेरै नै गुणकारी मानिन्छ । कतिपय रोगमा मासु बार्ने गरिन्छ । अझ रातो मासु त बर्जित नै गरिन्छ तर माछामा भने यस्तो भेद छैन । माछा ओमेगा–३ फ्याटी एसिडको एकदमै राम्रो स्रोत पनि हो । शारीरिक र मानसिक स्वस्थ्यका लागि यसले धेरै नै फाइदा पु¥याउँछ । बच्चाको मस्तिष्क विकास गर्नदेखि लिएर गर्भावस्थमा स्वस्थ्य रहन पनि माछाको सेवन उपयोगी मानिन्छ ।
फाइदाहरु :
– माछा प्रोटिनयुक्त हुनुका साथै यसमा चिल्लोपना कम हुन्छ । स्वस्थ्य शरीरको लागि आवश्यक पर्ने सम्पूर्ण पौष्टिक तत्व माछामा पाइन्छ ।
– माछामा पाइने फैटी एसिड मुटुको लागि राम्रो मानिन्छ । यसमा फैटको मात्रा कम हुने भएकोले यसले मुटुलाई स्वस्थ राख्न मद्दत गर्छ । नियमित माछाको सेवन गर्नेलाई हृदयाघात तथा स्ट्रोकको सम्भावना कम रहन्छ ।
– माछालाई ओमेगा ३ फैटी एसिडको मुख्य स्रोत मानिन्छ । ओमगा ३ ले डिपे्रशन कम गर्न मद्दत गर्छ । त्यसैले डिप्रेशन हुनेले माछाको सेवन गर्नु फाइदाजनक मानिन्छ । जसले मानिसलाई खुशी तुल्याउँछ ।
– नियमित माछाको सेवन गर्ने बालालिकामा दमको समस्या कम हुने गर्छ ।
– नियमित माछाको सेवन गर्ने मानिसहरुमा दृष्टि कमजोर हुने समस्या घटेर जान्छ भने अनिद्रा हटाएर मानिसमा निद्रा जगाउँछ ।
– माछामा पाइने ओमेगा– ३ ले कपाल तथा छालालाई चमकदार बनाउनुका साथै मुलायम बनाउँछ ।
