काठमाडौं । प्रधानमन्त्री केपी शर्मा ओली मध्य एसियाली मुलुक तुर्कमेनिस्तानको भ्रमणमा जाने भएका छन् ।सोमबार साँझ बसेको मन्त्रिपरिषद् बैठकले उनको भ्रमण स्वीकृत गरेको एक मन्त्रीले जानकारी दिए ।
मन्त्रिपरिषद् स्रोतका अनुसार साउन १८ गतेदेखि २३ गतेसम्मको लागि प्रधानमन्त्री ओलीको भ्रमण स्वीकृत गरिएको हो ।
उनी तुर्कमेनिस्तानको राजधानी अश्गाबातमा साउन तेस्रो साता आयोजना हुने भूपरिवेष्ठित विकासशील राष्ट्रहरूको तेस्रो सम्मेलनमा सहभागी हुन जान लागेका हुन् ।
सम्मेलनमा सहभागी हुँदै प्रधानमन्त्री ओलीले नेपालका तर्फबाट भूपरिवेष्ठित राष्ट्रहरूको विकास, कनेक्टिभिटी र अन्तर्राष्ट्रिय सहयोगका विषयमा धारणा राख्ने बताइएको छ ।
