काठमाडौं, बैंकिङ कसुर मुद्दाका फरार एकजनालाई प्रहरीले पक्राउ गरेको छ । पक्राउ पर्नेमा ओखलढुङ्गा सिद्धिचरण नगरपालिका–५ घर भई काठमाडौं महानगरपालिका–६ बस्ने ५७ वर्षीय एकराज दाहाललाई बुधबार पक्राउ गरेको हो ।
उच्च अदालत पाटनको २०७८ फागुन १३ गतेको फैसलाले बैंकिङ कसुर मुद्दामा ३५ दिन कैद र १ करोड ४० लाख रुपैयाँ जरिवाना ठहर भई फरार रहेका उनलाई केन्द्रीय अनुसन्धान व्यूरो महाराजगंजबाट खटिएको प्रहरीले काठमाडौं पेप्सीकोलाबाट पक्राउ गरेको हो ।
आफ्नो बैंक खातामा पर्याप्त मौज्दात रकम नभएको भन्ने जानी–जानी पीडितलाई झुक्यानमा पारी दिएको तीन थान चेकको रकम भुक्तान हुन नसकेको घटनामा अदालतले उक्त फैसला गरेको थियो ।
