काठमाडौं – कार्लोस अल्काराजले फ्रेन्च ओपन टेनिसको उपाधि रक्षा गरेका छन्। दुई सेटले पछि परेका उनले सानदार कमब्याक गर्दै ज्याक सिनरलाई हराए। यस क्रममा उनले तीन पटक च्याम्पियनसिप प्वाइन्टको रक्षा गरे।
५ घण्टा २९ मिनेट लामो खेलमा अलकाराज ४-६,६-७,६-४,७-६,७-६ ले विजयी भएका हुन्।
जितपछि अल्काराजले सिनरलाई उत्कृष्ट क्षमता भएको खेलाडीको रूपमा व्याख्या गरे। सन् २०१९ को विम्बल्डन फाइनलमा नोभाक जाकोभिकले रोजर फेडररलाई हराए यता कुनै पनि ग्रान्डस्लाममा म्याच प्वाइन्ट बचाएर खेल जित्ने पहिलो खेलाडी अल्काराज बनेका छन्।
