पोखरा, २ माघ । पोखरामा भएको जहाज दुर्घटनाबाट आइतबार ज्यान गुमाएकाहरुको शव पोस्टमार्टमको प्रक्रिया सुरु भएको छ । पोखरा स्वास्थ्य विज्ञान प्रतिष्ठानले सूचना जारी गर्दै शव व्यवस्थापन तथा परीक्षणको प्रक्रिया भएको जनाकारी गराएपनि मृतका आफन्तले पहिचान भएका शवलाई दिनुपर्ने भन्दै नाराबाजी गरेका छन् ।
उनीहरूले संघ सरकारलाई देखाउँदै लास हस्तान्तरणमा ढिलाइ गरेको भन्दै आक्रोशित बनेका हुन् । लास लिन सोमबार बिहान ९ बजे बोलाएपनि बिभिन्न बहाना देखाउँदै बिभिन्न बाहानमा लास नदिएको भन्दै मृतकका आफन्तहरुले आक्रोस पोख्नुको साथै नाराबाजीमा उत्रिएका हुन् ।
पीडितहरुले भन्दै थिए ९ बजे भनेका अहिले कति बज्यो। दुखमाथी दुख दिने । पीडामाथी पीडा थपिएको छ । हालसम्म ६९ वटा शव प्रतिष्ठानमा आइपुगेको सूचनामा उल्लेख छ । पहिचान खुलेको नखुलेको छुट्टाछुट्टै राखिने र शव परीक्षण गर्दै क्रमश आफन्तको जिम्मा लगाइने प्रतिष्ठानका निर्देशक डा.भरतबहादुर खत्रीले बताएका छन् ।
