पोखरा, २ माघ । पोखरामा आइतबार भएको यती एयरको विमान दुर्घटनामा बेपत्ता भएका मध्ये थप १ जनाको शव भेटिएको छ । सोमबार दिउँसो सेती खोंचबाट थप एकजनाको शव फेला परेको जिल्ला प्रहरी कार्यालय कास्कीका प्रमुख अजय केसीले जनकारी दिए ।
यो सँगै दुर्घटनामा परेका मध्ये ६९ जनाको शव फेला परेको छ भने ३ जना अझै बेपत्ता छन् । काठमाडौंबाट पोखराका लािग उडेको यति एयरको जहाज आइतबार बिहान पोखराको मितेरी गाउँस्थित सेतीनदीको खोँचमा दुर्घटना भएको थियो । जहाजमा ४ जना चालक दल र ६८ यात्रु सवार थिए ।
जसमध्ये ६९ जनाको शव फेला परेको हो । गण्डकी अस्पतालमा मृतकको सनाखत गर्ने काम भइरहेको छ । प्रहरीले सनाखत भएका शवको पोष्टमर्टमपछि परिवारलाई बुझाउने तयारी गरेको छ ।
