सोराइसिस छालाको जटिल समस्या हो । तर रोगीको छालालाई छुँदैमा यो रोग सर्दैन । यो समस्या लामो समय रहने हुनाले यसले सौन्दर्यमा नराम्रो असर पार्ने गर्छ ।
यो समस्याको उचित समाधानको निमित्त एलोपेथिक उपचार भन्दा भोजन खानपानमा सुधार गर्दै प्राकृतिक उपचार गर्नु बुद्धिमानी हुन्छ ।
– ओमेगा–३ युक्त भोजन सेवन गर्नु यो समस्यामा लाभदायक मानिन्छ ।
– चिल्लो तारेभुटेको खाना बन्द गरी फलफूल तरकारी र सलादहरुलाई दैनिक भोजनमा समावेश गराउनुपर्दछ ।
– फलफूलमा मेवा, आँप, स्याउ, सुन्तला, जुनार, क्रेनबेरी, तरकारीमा हरिया सागपात, काउली, बन्दा, प्याज, च्याउ, पालुङ्गो, गोलभेँडा, सलादमा चुकन्दर, गाँजर, ब्रोकाउली, लसुन आदि सेवन गर्न सकिन्छ ।
– ताजा फलफूलका साथै ड्राइफूट्स (काजु, पेश्ता, देशी बदाम, ओखर) आदिको सेवन गर्नुपर्दछ ।
– सेतो चामल, मैदा, चिनी, चिया, कफी, रक्सी आदिको सेवन बन्द वा कम गर्नु पर्दछ ।
– भिटामिन ‘ई’युक्त भोजन यो समस्यामा उत्तम मानिन्छ ।
– गहुँ, भटमास, हरियो सागपात, ब्रोकाउली, देशी बदाम, पेश्ता यो समस्यामा लाभदायक मानिन्छ ।
साभारः ‘१०१ रोग, एकसे एक उपचार’ पुस्तकबाट
