पोखरा, २७ पुस । गण्डकी प्रदेशका मुख्यमन्त्री खगराज अधिकारीले जुनसुकै सरकार गठन भएपनि समृद्ध नेपाल बनाउन सकिएन भने त्यो सरकारको कुनै अर्थ नरहने बताउनुभएको छ ।
युनाइटेड क्लबद्धारा पोखराको अमरसिंह चौरमा आयोजित ११ औं संस्करणको महोत्सवको बुधबार उद्घाटन गर्दै मुख्यमन्त्री अधिकारीले त्यस्तो कुरा बताउनुभएको हो । आम नेपालीको चाहना समृद्ध नेपाल भएकाले अबको सरकार समृद्धि तर्फ अगाडि वढ्न जरुरी भएको भनाई उहाँको छ ।
रोजगारीको अवसर खोँज्दै लाखौं युवाहरु विदेशीने गरेको छन् उनीहरुलाई जोजगारीको सृजना नेपाल भित्र नै गर्ने तर्फ तीनै तहको सरकार लाग्नु पर्नेमा उहाँको जोड छ । सरकारले आफ्ना कार्यक्रम बनाउँदा युवा लक्षित हुनुपर्ने भनाई उहाँको छ । नेपाल बहुजाति, बहुभाषी र बहुसांस्कृतिक देश भएकाले यहाँ हुने महोत्सवले सांस्कृतिक रुपमा ठूलो महत्व राख्ने बताउँदै मुख्यमन्त्री अधिकारीले महोत्सवको सफलताको कामना गर्नुभयो ।
कोरोनाले थला परेको अर्थतन्त्र यस्ता मेला महोत्सव संचालन हुँदा केही मात्रामा भएपनि अर्थतन्त्र चलायमान हुने विश्वास उहाँले व्यक्त गर्नुभयो । आज राष्ट्रिय एकता दिवस, पृथ्वीनारायण शाहले राष्ट्रलाई एक बनाएको दिन, सरकारले पनि सार्वजनिक बिदा दिएको छ, मुख्यमन्त्री अधिकारीले भन्नुभयो, राष्ट्र नायक पृथ्वीनारायण शाहलाई सबैले सम्झनु पर्ने बताउनुभयो ।
यही पुस २७ गतेदेखि संचालन हुने उक्त महोत्सव माघ ८ गतेसम्म संचालन हुने छ । युनाइटेड ब्लबका अध्यक्ष राजु श्रेष्ठको अध्यक्षतामा भएको उक्त कार्यक्रममा विभिन्न व्यक्तिहरुले आफ्ना भनाईहरु राख्नु भएको थियो । महोत्सवको उद्द्धाटन अघि यस क्षेत्रका विभिन्न संघसंस्था तथा टोल तथा आमा समूहले झाँकीसहित बजार परिक्रम गरेका थिए ।
