काठमाडौं । नेपाली कांग्रेसका महामन्त्री गगन थापाले नेकपा माओवादी केन्द्रका अध्यक्ष प्रचण्डसँगको गठबन्धन टुट्नका लागि प्रचण्डको आफ्नै भूमिका रहेको दाबी गरेका छन्। पोखरामा पत्रकारसँग कुरा गर्दै उनले भने, “प्रचण्डले त्यस बेलामा नेकपा एमाले र अन्य दलसँग मिलेर सरकार बनाउन चाहँदैन भने गठबन्धन हाम्रो कारणले टुटेको थिएन।”
महामन्त्री थापाले गोदावरीमा भएको महासमिति बैठकले गठबन्धन परिवर्तनको कुनै निर्णय नगरेको पनि उल्लेख गरे। उनले भने, “गठबन्धन फेरिएको भन्ने कुरा केवल मूर्ख बनाउनका लागि हो। प्रचण्डले अन्य दलसँग मिलेर सरकार बनाउने निर्णय गर्नु भएको हो।”
आफ्नो आगामी महाधिवेशनको उम्मेदवारीको विषयमा थापाले अहिले चर्चा गर्नुको अर्थ नभएको बताए। उनले भने, “म अहिले पार्टीको महामन्त्री हुँ र १५ औं महाधिवेशनको सफलता सुनिश्चित गर्न मेरो ध्यान केन्द्रित छ। महाधिवेशनको उम्मेदवारीबारे समय आएको छैन।”
नेपाली कांग्रेसको विधान अनुसार आगामी २०८२ मंसिरमा महाधिवेशन आयोजना गर्नुपर्ने छ। थापाले भने, “महाधिवेशन समयमै हुनेछ। क्रियाशील सदस्यता नवीकरणका लागि कार्य योजना पनि तयार छ।”
