राष्ट्रिय एकता अभियानका संयोजक तथा पूर्व एमाले नेता वामदेव गौतम बुधबार एमाले प्रवेश गर्ने भएका छन्।
मंगलबारको एमाले सचिवालय बैठकमा वामदेव गौतमको पार्टीमा कसरी व्यवस्थापन गर्ने भन्ने विषयमा छलफलको एजेन्डा तोकिएको छ।
गौतमको सचिवालय स्रोतका अनुसार आज पार्टीले सकारात्मक निर्णय गर्यो भने भोलि नै पार्टी प्रवेशको तयारी छ। वामदेवले वरिष्ठ उपाध्यक्षको दाबी गरेका स्रोतले बतायो। यद्यपि उनलाई एमालेमा वरिष्ठ नेताको जिम्मेवारीमा भित्र्याउने सम्भावना धेरै छ। आजको एमाले सचिवालय बैठकले यस विषयमा निर्णय गर्ने बताइएको छ।
