काठमाडौँ । बलिवुड अभिनेता कार्तिक आर्यनको फिल्म ‘आशिकी ३’ बारे अन्योलता बढ्दै गएको छ । फिल्मका निर्देशक अनुराग बसु कार्तिक आर्यनसँग नयाँ प्रेमकथामा काम गरिरहेका छन् । यसैबीच, तृप्ती डिमरीले फिल्म ‘आशिकी ३’ बाट छाडेको खबर आएको छ ।
मिड डेको रिपोर्टका अनुसार यस प्रोजेक्टमा तृप्ति डिम्रीको प्रवेशपछि फिल्म रोकिएको हो । रिपोर्टका अनुसार तृप्ति डिमरी आशिकी ३ को हिस्सा बन्ने छैनन् । योसँगै अनुराग बसुले अब यो फिल्ममा नयाँ जोडी देखाउन लागेका छन् । यो फिल्मलाई लिएर तृप्ति डिमरी निकै उत्साहित थिइन्, तर अहिले त्यस्तो हुन सकेको छैन । फिल्ममा कार्तिक आर्यनसँग नयाँ अनुहार देखिने सम्भावना छ ।
तृप्ति डिम्रीको फिल्म आशिकी ३ यतिबेला विवादमा परेको छ । डिमरीले गत वर्ष केही दिन फिल्मको सुटिङ गरेकी थिइन् । डिम्री फिल्मबाट बाहिरिनुको कारण अहिलेसम्म स्पष्ट भएको छैन । फिल्मलाई भूषण कुमार र मुकेश भट्टले निर्माण गर्ने भएपनि निर्माताबीचको झगडापछि चर्चा अघि बढ्न सकेन ।
फिल्म जनवरीको अन्त्यमा वा फेब्रुअरीको पहिलो हप्तामा मुम्बईमा तृप्ती र कार्तिकको शुटिंग हुने तालिका रहेको भएपनि तृप्ति बाहिरिएपछि अब मुख्य नायिकाको भूमिकाका लागि कास्टिङ प्रक्रिया चलिरहेको बताइएको छ । यस अघि आशिकी शुरुमा १९९० मा रिलिज भएको थियो र यस फिल्ममा राहुल राय र अनु अग्रवालको प्रमुख अभिनय रहेको थियो ।
त्यसपछि २०१३ मा आशिकी-२ रिलिज भएको थियो र यस फिल्ममा श्रद्धा कपूर र आदित्य रोय कपुरको जोडी देखिएको थियो । यो फिल्म बक्स अफिसमा सुपर हिट भएको थियो ।
