काठमाडौँ । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले प्रधानमन्त्री तथा नेकपा एमाले अध्यक्ष केपी शर्मा ओलीसँग भेटवार्ता गरेका छन् ।
शुक्रबार बिहान सामाजिक सञ्जाल मार्फत लिङ्देनले जानकारी दिदै भेटबारे जानकारी दिएका हुन् ।
शुक्रबार साँझ भएको भेटमा उनले राष्ट्रिय एकता दिवस तथा पृथ्वी जयन्तीका अवसरमा पुस २७ गते राप्रपाद्वारा भृकुटीमण्डपमा आयोजना हुने चियापान कार्यक्रममा निमन्त्रणा दिने क्रममा प्रधानमन्त्री ओलीसँग भेट गरेको बताएका छन् । लिङ्देनले भेटका क्रममा विविध पक्षमा लामै कुराकानी भएको पनि उल्लेख गरेका छन् ।
उनले यसअघि कांग्रेस सभापति शेरबहादुर देउवालाई उनकै निवास बुढानिलकण्ठ पुगेर भेटवार्ता गरेका थिए ।
पछिल्लो विकसित राजनीतिक गतिविधिका कारण लिङ्देनले सत्ता पक्षका नेताहरुलाई गरेको भेटलाई अर्थपूर्ण रुपमा हेरिएको छ ।
