पोखरा, २१ पुस । राष्ट्रिय तथ्याङ्क कार्यालयले राष्ट्रिय औद्योगिक सर्वेक्षणको प्रदेशस्तरीय नतिजाका बारेमा छलफल गरेको छ । तथ्याङ्क कार्यालयले अन्तर्राष्ट्रियस्तरीय औद्योगिक वर्गीकरण अनुसार तयार गरेको नेपालस्तरीय औद्योगिक वर्गीकरण अन्तरग रहेको सर्वेक्षणको प्रदेशस्तरीय नतिजाका बारेमा शुक्रबार पोखरामा छलफल तथा अन्तरक्रिया गरिएको हो । पाँचरपाँच वर्षमा गरिने सर्वेक्षणको मुख्य उद्देश्य अर्थतन्त्रमा औद्योगिक क्षेत्रले गरेको योगदानको मापन गर्नुको साथै नीति निर्माता, योजनाविद्, उद्योगपति, अनुसन्धानकर्ता तथा प्रयोगकर्ता, औद्योगिक क्षेत्रसँग सम्वन्धित आवश्यक तथ्याङक अपलब्ध गराउनु रहेको छ ।
राष्ट्रिय तथ्याङ्क कार्यालयका केन्द्रीय निर्देशक विनोदशरण आचार्यले खानी तथा उत्खनन्, औद्योगिक उत्पादन, विद्युत, ग्याँस, बाफ तथा वातानुकूलित सेवा, पानीको आपूर्ति, ढल निकास, फोहर व्यवस्थापन र त्यसको उपचारात्मक क्रियाकलापका बारेमा नेपालको पहिलो एकीकृत औद्योगिक सर्वेक्षण गरिएको जानकारी दिनुभयो । राष्ट्रिय औद्योगिक सर्वेक्षण २०७७ मा पूर्ण गणना र नमूना छनौट विधि अबलम्बन गरिएको जानकारी आचार्यले दिनुभयो । सर्वेक्षणको नजिता प्रस्तुत गर्दै निर्देशक आचार्यले सन्दर्भ अवधिमा देशभर ६० हजार एक सय ८५ उद्योग प्रतिष्ठानहरु संचालनमा रहेका र ति मध्ये खानी तथा उत्खनन् क्षेत्रमा ३ तीन ६५ वटा, ओद्योगिक उत्पादन क्षेत्रमा ५६ हजार ६ सय ११ वटा , विद्युत, ग्याँस, बाफ तथा वातानुकूलित सेवा क्षेत्रमा ९ सय ९४ वटा र पानीको आपूर्ति, ढल निकास, फोहोरव्यवस्थापन र त्यसको उपचारात्मक क्रियाकलापको क्षेत्रमा दुई हजार दुई सय २४ वटा उद्योग प्रतिष्ठान रहेको जानकारी दिनुभयो ।
गण्डकी प्रदेशमा खानी तथा उत्खनन् ७३, औद्योगिक उत्पादन अन्तरगत ठूला ४४७ र साना पाँच हजार सात सय ४० रहेका छन् भने विद्युत तथा ग्याँसको संख्या एक सय ९४, पानीको आपूर्ति, ढल निकास तथा फोहर व्यवस्थापन तीन सय ६३ गरी कूल ६ हजार आठ सय १८ उद्योग प्रतिष्ठान रहेको जानकारी पनि उक्त अवसरमा दिइएको छ । सर्वेक्षणको नजिता अनुसार गण्डकी प्रदेशका उद्योग प्रतिष्ठानमा सम्लग्न व्यक्तिहरको संख्या खानी तथा उत्खनन्मा एक हजार ९२ जना औद्योगिक उत्पादन अन्तरगत ठूला उद्योगमा १५ हजार चार सय २३, साना उद्योग चतथा प्रतिष्ठानमा १७ हजार आठ सय चार, विद्युत तथा ग्याँसमा ४ हजार दुई सय ८३, पानीको आपूर्ति, ढलनिकास तथा फोहर व्यवस्थापनमा दुइृउ हजार ३० रहेको तथ्याङक पनि सो अवसरमा प्रस्तुत गरिएको थियो ।
त्यसैगरी गण्डकी क्षेत्रका उद्योग तथा प्रतिष्ठानमा रोजगार व्यक्तिको संख्या खानी तथा उत्खनन् तर्फ नौ सय ५० जना, ठूला उद्योगहरुमा १३ हजार आठ सय १२ , साना उद्योग तथा प्रतिष्ठानमा सात हजार नौ सय २५, विद्युत तथा ग्याँसमा दुई हजार सात सय २८, पानी आपूर्ति, ढलनिकास तथा फोहर व्यवस्थापनमा एक हजार दुई सय ४३ जना रहेका छन् । तथ्याङकको नजितालमा उद्योघ तथा प्रतिष्ठानहरुले तलब, ज्याला तथा सेवा सुविधामा गरेको खर्च रकम, उद्योग तथा प्रतिष्ठानका् लागत मुल्य, उत्पादन मुल्य, मुल्य अभिवृद्धि र लागत उत्पादन अनुपात, स्थायी सम्पत्तिका् विवरण, उत्पादन कार्य संचालनको अवस्था, उत्पादन क्षेमताको उपयोग, ऋणको अवस्थाका बारेमा उल्लेख गरिएको छ ।
अन्तरक्रियाका प्रमुख अथिति पर्यटन, उद्योग वाणिज्य तथा आपूर्ति मन्त्रालय गण्डकी प्रदेशका सचिव कृष्णबहादुर बोहोराले राष्ट्रिय तथ्याङ्क कार्यालयले औद्योगिक प्रतिष्ठानमा गरेको गहिरो सर्वेक्षणले केन्द्र तथा प्रदेशस्तरका सरकारलाई औद्योगिक नीति तथा कार्यक्रम बनाउन सजिलो हुनुको साथै यसले देशको औद्योगिक वस्तुस्थिति समेत प्रस्तुत गरेको बताउनुभयो ।
कोरोनाकै कारण एक वर्ष ढिला भएपनि गहिराईमा पुगेर तयार गरिएको सर्वेक्षणको नतिजाले देशमा मात्र नभएर विदेशमा समेत नेपालको औद्योगिक अवस्थाका बारेमा जानकारी हुनुको साथै विदेशी लगानी अभिवृद्धि हुन समेत सक्ने भनाई उहाँको छ । तथ्याङ्क कार्यालय कास्कीका प्रमुख जगुलाल वस्यालको अध्यक्षतामा भएको उक्त अन्तरक्रिया कार्यक्रममा सम्बन्धित क्षेत्रका अन्य महानुभावले समेत आफ्ना भनाई राख्नुभएको थियो ।
