काठमाडौं । सरकारको साझा न्यूनतम कार्यक्रम बनाउन गठित कार्यदलले कार्यक्रमको खाका सार्वजनिक गर्ने तयारी गरेको छ ।
सत्तारुढ गठबन्धनकातर्फबाट कार्यदलमा सहभागी सदस्यहरूले आफ्नो तर्फबाट समावेश गरिने बुँदा संयोजक उपप्रधान तथा अर्थमन्त्री विष्णु पौडेललाई बुझाइसकेका छन् । पौडेलले अन्य दलहरूबाट बुँदाहरू प्राप्त भइसकेको भए पनि त्यसलाई एकीकृत रूप दिन बाँकी रहेको र केही दिनमै सार्वजनिक गरिने बताए ।
माओवादी केन्द्रका अध्यक्ष पुष्पकमल दाहाल नेतृत्वको सरकारमा सहभागी नेकपा एमाले, राष्ट्रिय स्वतन्त्र पार्टी र राप्रपाले जनताका तत्काल सम्बोधन गर्नुपर्ने कार्यक्रमलाई प्राथमिकतामा राखेका छन् । राहदानी, राष्ट्रिय परिचयपत्र, मल बीउ, खानेपानी, सडक तथा यातायात र मालपोतका कामलाई छिटो छरितो बनाउनुपर्ने सूचीमा राखिएको छ ।
साझा न्यूनतम कार्यक्रम तयार पार्न सरकारले छ दिनअघि उपप्रधानमन्त्री पौडेलको नेतृत्वमा चार सदस्यीय कार्यदल गठन गरेको हो ।
