काठमाडौं – सन् २०२३ मा विश्वका विभिन्न देशमा आम निर्वाचन हुने भएको छ । यो सँगै विभिन्न महत्वपूर्ण खेलकुद प्रतियोगिता पनि आयोजना हुँदैछन् । यसैवर्ष, टर्की, ग्रिस, युक्रेन, पोल्याण्ड, स्पेन लगायतका देशमा आम निर्वाचन हुँदैछ । यस्तै, कोएसिया सन् २०२३ को पहिलो दिनबाट नै यूरोपियन यूनियनमा सहभागी भएको छ ।
युरोपियन युनियनमा सामेल भएको लगभग एक दशक पछि, क्रोएसियाले यूरोलाई अपनाएको छ भने शेन्जेन भिसा लागू गरेको छ । बेलायतका राजा चाल्र्सको राज्याभिषेक पनि सन् २०२३ को मे महिनामा हुनेछ । यो नै २१ औं शताब्दीमा बेलायती राजाको पहिलो राज्याभिषेक हुनेछ । सन् १९५३ मा महारानी एलिजाबेथ द्वितीयले राज्याभिषेक गरेपछिको पहिलो राज्याभिषेक हो ।
यीमध्ये केही कार्यक्रम एशियामा आयोजना हुने छन् । तीमध्ये थाइल्यान्डको आम चुनाव, भारतमा हुने आईसीसी पुरुष क्रिकेट विश्वकप र २०२२ बाट स्थगित भएको १९ औं एसियाली खेलकुद छन् । रोजर फेडेरर र सेरेना विलियम्सको सन्यास पछि खेलकुदमा २०२३ मा चार टेनिस ग्रान्ड स्लयाम आयोजना हुने भएको छ । यी खेलमा नोभाक जोकोभिक र राफेल नाडाल प्रति केन्द्रित हुनेछ । यस्तै, यो वर्ष नै वाल्ट डिज्नी कम्पनी स्थापना भएको सय वर्ष पुरा हुँदैछ ।
डिज्नीको १०० वर्षको पुगेको अवसरमा सन् २०२३ मा विश्वभरका सबै डिज्नील्याण्ड थिम पार्कहरूमा आयोजना गरिने छ । यस्तै, वर्षको प्रमुख महत्वपूर्ण खेलकुद घटनाहरू मध्ये एक, २०२३ मा फिफा महिला विश्वकप अष्ट्रेलिया र न्यूजील्याण्डले संयुक्त रूपमा संयुक्त रूपमा आयोजना गर्दैछन् । प्रतियोगितामा ६ वटै फुटबल महासंघका ३२ टोलीको सहभागिता रहनेछ ।
अष्ट्रेलियाको सबैभन्दा चर्चित पर्यटकीय गन्तव्य सिड्नी ओपेरा हाउस स्थापना भएको ५० वर्ष पुग्ने छ । यो आज सबैभन्दा व्यस्त प्रदर्शन कला केन्द्रहरू मध्ये एक हो, प्रत्येक वर्ष १ करोड ६० लाख भन्दा बढी व्यक्तिहरू उपस्थित हुने छन् । योसँगै १०औं पुरुष रग्बी विश्वकप पनि यसै वर्ष हुनेछ । फ्रान्सका नौँ सहरमा आयोजना हुने यस खेलमा २० देशले सहभागिता जनाउनेछन् । यस्तै, नासाले पठाएको अन्तरिक्ष यान पनि यसै वर्ष पृथ्वीमा फर्कने छ ।
