काठमाडौं । पूर्वसभामुख दमननाथ ढुंगानाको निधन भएको छ । आज दिउँसो दुई बजे फ्रन्टलाइन अस्पतालमा उपचारको क्रममा निधन भएको उनको पारिवारीक स्रोतले जनाएको छ । अस्पतालमा उनको कलेजो सम्बन्धी समस्याको उपचार भइरहेको थियो । वरिष्ठ अधिवक्तासमेत रहेका ढुंगाना आम निर्वाचन २०४८ मा काठमाडौं जिल्लाबाट नेपाली कांग्रेसका तर्फबाट निर्वाचित भएर प्रतिनिधिसभाको सभामुख बनेका थिए ।
स्वर्गीय ढुंगाना २०४८ सालदेखि २०५१ सम्म सभामुख थिए । स्वर्गीय ढुंगानाले तत्कालीन विद्रोही माओवादीलाई शान्ति प्रक्रियामा ल्याउन महत्वपूर्ण भूमिका समेत खेलेका थिए ।
